Útbreiðsla

Finnst aðeins finnst hátt til fjalla, oftast frá 600–1200 m. Hæstu þekktu fundarstaðir eru á Hvannadalshrygg í 1440 m og á Staðargangnafjalli við botn Kolbeinsdals í 1240 m.b (Hörður Kristinsson - floraislands.is)

Búsvæði

Vex helst á háfjallamelum eða mosaþembum (Hörður Kristinsson 1998).

Lýsing

Mjög lágvaxin planta (1–6 sm) með hvítum, fjórdeildum blómum. Hún myndar einkennandi langa, striklaga skálpa.

Blað

Blöðin eru flest stofnstæð, heilrend, stilklöng (1–2 sm). Blaðkan kringlótt eða egglaga, 3–7 mm á lengd og 2–5 mm á breidd, hárlaus, oftast með örstuttum kirtiloddi í endann (Hörður Kristinsson 1998).

Blóm

Blómin eru 4–5 mm í þvermál, fjórdeild. Krónublöðin hvít. Bikarblöðin dökk, snubbótt í endann, 2 mm löng. Fræflar sex, ein aflöng fræva (Hörður Kristinsson 1998).

Aldin

Aldinið er 1–2 sm langur og 1 mm breiður skálpur (Hörður Kristinsson 1998).

Greining

Jöklaklukka getur líkst hinu örsmáa fjallaafbrigði af skarfakáli og smávöxnum háfjallaplöntum af melablómi. Jöklaklukkan þekkist helst á lögun blöðkunnar og á stilk sem er ætíð lengri en blaðkan, hinir löngu, grönnu skálpar eru fullþroska til fjalla löngu á undan melablómi.

Höfundur