Klettafrú (Saxifraga cotyledon)

Mynd af Klettafrú (Saxifraga cotyledon)
Mynd: Hörður Kristinsson
Klettafrú (Saxifraga cotyledon)
Mynd af Klettafrú (Saxifraga cotyledon)
Mynd: Hörður Kristinsson
Klettafrú (Saxifraga cotyledon)

Útbreiðsla

Hún vex aðeins á Austurfjörðum og Suðausturlandi og er nokkuð víða á því svæði, allt frá Loðmundarfirði suður í Hemru í Skaftártungu (Hörður Kristinsson - floraislands.is).

Almennt

Klettafrú hefur gengið undir nafninu þúsunddygðajurt í Skaftafellssýslu (Stefán Stefánsson 1948).

Búsvæði

Hún vex oftast utan í hamraveggjum, einkum þeim sem vita mót sól (Hörður Kristinsson - floraislands.is).

Lýsing

Meðalhá planta (10–40 sm) með þykk blöð í stofnhvirfingu og stóra, hvíta blómklasa. Blómgast í júlí.

Blað

Marggreinótt jurt. Blöðin stofnstæð, mynda þétta og reglulega hvirfingu, öfugegglaga eða tungulaga, þykk, um 10–15 mm breið, sígræn, smátennt með kalkörðum í tönnunum (Hörður Kristinsson 1998).

Blóm

Blómmargir klasar oftast úr hverri blaðöxl. Blómin 1,2–1,8 sm í þvermál. Krónublöðin spaðalaga, randhærð neðan til, hvít og stundum með rauðum æðum. Bikarblöðin 4–5 mm á lengd, með stuttum, rauðum kirtilhárum. Fræflar tíu, frævan klofin í oddinn með tveim útstæðum stílum (Hörður Kristinsson 1998).

Aldin

Aldinin eru hýði (Stefán Stefánsson 1948).

Greining

Líkist helst bergsteinbrjót og hefur svipaða en minni blaðhvirfingu og miklu færri og minni blóm.

Útbreiðsla - Klettafrú (Saxifraga cotyledon)
Útbreiðsla: Klettafrú (Saxifraga cotyledon)

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |