Vallarfoxgras (Phleum pratense)

Mynd af Vallarfoxgras (Phleum pratense)
Mynd: Hörður Kristinsson
Vallarfoxgras (Phleum pratense)

Útbreiðsla

Innflutt grastegund sem lengi hefur verið ræktuð í sáðsléttum, algeng í sáðsléttum og túnjöðrum um allt land (Hörður Kristinsson - floraislands.is).

Búsvæði

Tún og sáðsléttur, slæðingur við bæi (Hörður Kristinsson 1998).

Lýsing

Fremur hávaxin grastegund (30–100 sm) með allbreið blöð og grágrænan axpunt. Blómgast í júní–júlí.

Blað

Blöðin allbreið, 4–8 mm. Slíðurhimna 2–4 mm (Hörður Kristinsson 1998).

Blóm

Smáöxin eru einblóma, þétt saman í sívölu 3–8 sm löngu, 8–12 mm breiðu, grágrænu samaxi (axpunti). Axagnir 4–7 mm á lengd, með löngum randhárum á kilinum, mjókka snöggt ofan til og ganga fram í grænan, 1–3 mm langan odd. Blómagnir 2–3 mm á lengd. Frjóhirslur fjólubláar, hanga út úr axinu um blómgunartímann (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Líkist helst háliðagrasi sem hefur þó allt öðruvísi axagnir auk þess sem smáöxin eru lausari á axhelmunni.

Útbreiðsla - Vallarfoxgras (Phleum pratense)
Útbreiðsla: Vallarfoxgras (Phleum pratense)

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |