Vetrarblóm (Saxifraga oppositifolia)

Mynd af Vetrarblóm (Saxifraga oppositifolia)
Mynd: Hörður Kristinsson
Vetrarblóm (Saxifraga oppositifolia)
Mynd af Vetrarblóm (Saxifraga oppositifolia)
Mynd: Hörður Kristinsson
Vetrarblóm (Saxifraga oppositifolia)

Útbreiðsla

Fremur algengt um allt land, frá láglendi upp fyrir 1500 m hæð (Hörður Kristinsson - floraislands.is).

Almennt

Vetrarblóm er einnig kallað vetrarsteinbrjótur, snjóblómstur, lambablóm og lambarjómi. Te af jurtinni ku vera gott gegn nýrnasteinum og til að leiða tíðir kvenna (Ágúst H. Bjarnason 1994).

Búsvæði

Klettar, melar og rindar (Hörður Kristinsson 1998).

Lýsing

Jarðlæg planta með ferstrendum stönglum og hlutfallslega stórum, bleikum blómum. Blómgast í apríl–maí.

Blað

Sprotarnir eru jarðlægir, 5–20 sm á lengd. Blöðin krossgagnstæð, stutt og afar þétt, því sýnast sprotarnir vera ferstrendir. Laufblöðin 3–4 mm, öfugegglaga, frambreið, íhvolf, þykk, sígræn, randhærð, með hvítri kalkholu í endann (Hörður Kristinsson 1998).

Blóm

Blómin eru 10–15 mm í þvermál, fimmdeild. Krónan lausblaða, rauð eða rauðfjólublá. Bikarblöðin snubbótt, 4–5 mm löng, með randhárum. Fræflar tíu. Frævan bleik, klofin í tvennt ofan til með tveim stílum (Hörður Kristinsson 1998).

Greining

Líkist helst lambagrasi en vetrarblóm þekkist á ferstrendum blaðsprotum og klofinni frævu.

Útbreiðsla - Vetrarblóm (Saxifraga oppositifolia)
Útbreiðsla: Vetrarblóm (Saxifraga oppositifolia)

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |