Útbreiðsla
Algeng til fjalla og á hálendinu, vantar á láglendi þar sem snjólétt er en fer niður undir sjó á snjóþungum svæðum. Vex oft innan um fjallasmára (Hörður Kristinsson - floraislands.is).Vistgerðir
Snjódældir og lautadrög til fjalla, einnig á láglendi í snjóþungum héruðum (Hörður Kristinsson 1998).Lýsing
Smávaxin jurt (2–8 sm), mjög loðin, með fáar litlar blómkörfu. Blómgast í júní.
BlaðStöngullinn og blöðin ullhærð. Blöðin nær striklaga, mjókka í endann, 1,5–3 mm breið og um 1–1,5 sm á lengd (Hörður Kristinsson 1998).
BlómBlómin nokkur saman í fáum, litlum körfum efst á stöngulendanum. Körfurnar umluktar svartleitum reifum. Reifablöðin svarbrún utan til en græn umhverfis miðtaugina, stundum með purpurarauðu belti. Blómin öll pípukrýnd. Krónupípan 3–4 mm löng, brúnleit í endann með fimm flipum, fjólubláleit á belti þar fyrir neðan en ljósgræn neðst. Aðeins hinn brúni efsti hluti krónunnar er sýnilegur út úr körfunni (Hörður Kristinsson 1998).
AldinHárkrans umhverfis aldinið (Hörður Kristinsson 1998).
GreiningLíkist helst fjallalójurt og grámyglu. Fjallalójurtin vex ekki í snjódældum og hefur allt aðra blaðlögun. Grámygla þekkist best á hinum marggreinda stöngli, eins vantar hana stofnstæðar blaðhvirfingar.
Útbreiðslukort
Höfundur
Hörður Kristinsson 2007
Snjódældir og lautadrög til fjalla, einnig á láglendi í snjóþungum héruðum (Hörður Kristinsson 1998).Biota
- Tegund (Species)
- Grámulla (Omalotheca supina)