Rannsóknir í dýrafræði á NÍ

Á Náttúrufræðistofnun Íslands eru stundaðar margþættar rannsóknir á sviði dýrafræði. Þar skal öðru fremur telja rannsóknir á fuglum, landhryggleysingjum og sjávarhryggleysingjum (Bioice verkefnið). Rannsóknir á spendýrum eru lítt stundaðar enda er einstökum tegundum þeirra sinnt á öðrum stofnunum. Hins vegar er alls kyns upplýsingum um þau safnað og haldið til haga í gagnagrunnum. Sama er um fiska að segja, en tekið er við sjaldgæfum tegundum frá sjómönnum og þær varðveittar í vísindasafni stofnunarinnar.