Talningar vorið 2006 hafa leitt í ljós að arnarstofninn heldur áfram að styrkjast. Hann er nú talinn um 67 pör og hefur ríflega þrefaldast á 40 árum. Jafnframt fjölgar nú pörum utan höfuðheimkynna arnarins vestanlands. Ernir hafa nú tekið upp ábúð á 5–6 fornum arnarsetrum við Húnaflóa og á Suðurlandi sem sum hver hafa staðið auð hátt á aðra öld.

20. maí 2006

Lesa meira

Elsti örn sem vitað er um á landinu náðist á Súðavíkurhlíð s.l. laugardag. Fuglinn hafði verið merktur sem ungi í hreiðri á Barðaströnd sumarið 1987 og var því 18 ára gamall. Örninn reyndist illa laskaður og brotinn á væng og varð því að svæfa hann.

31. október 2005

Lesa meira

Nú stendur yfir árlegt eftirlit með arnarstofninum á vegum Náttúrufræðistofnunar Íslands í samvinnu við Fuglavernd og Náttúrustofu Vesturlands. Flogið hefur verið yfir meginhluta útbreiðslusvæðisins og fugla leitað á hefðbundnum varpstöðvum. Alls er vitað um 55 arnarpör en þau verða líkast til um 64 þegar upp verður staðið, fleiri en nokkru sinni síðan farið var að fylgjast reglulega með arnarstofninum fyrir nærri hálfri öld. Ernir eru nú loks að breiðast út fyrir hin hefðabundu arnarsvæði vestanlands, en vitað er um eitt par á Suðurlandi og tvö pör við Húnaflóa. Þá hefur borið óvenjumikið á ungum örnum Norðanlands og austan sem ekki þarf að koma á óvart í ljósi þess hve margir arnarungar hafa komist á legg á undaförnum árum. Lesa meira

Þorvaldur Þór Björnsson hamskeri á Náttúrufræðistofnun þvoði á dögunum ungan örn sem hafði lent í grút vestur á Skraðsströnd. Komið var með örninn suður á sunnudag 1. október og var honum skellt beint í þrifabað. 5. október 2004 Lesa meira

Nýlega fékk Náttúrufræðistofnun Íslands ungan örn í fóstur. Örninn fannst ósjálfbjarga vegna grútarmengunar við Vogsósa í Selvogi. 15. ágúst 2003 Lesa meira

Árlegri arnartalningu er nú lokið og fundust um 50 fullorðin arnarpör á landinu — fleiri en en nokkru sinni síðan Fuglaverndarfélag Íslands hóf eftirlit með stofninum í samvinnu við Náttúrufræðistofnun Íslands fyrir tæpum 40 árum. Þrjátíu og níu þessara para urpu og hafa hreiðrin eða pörin ekki verið fleiri síðan um 1910. Um það leyti fækkaði örnum afar hratt í kjölfar skipulegra ofsókna og eitrunaraðgerða í lok 19. aldar. Fyrir þann tíma var arnarstofninn miklu stærri en hann er í dag og e.t.v. 150—200 pör. 18. september 2006
Lesa meira

Örninn er meðal sjaldgæfustu varpfugla landsins en talið er að hér séu rúmlega 60 pör fullorðin pör, auk ungfugla.
Lesa meira