Lesa meira

Lesa meira

Þessa dagana fjölgar margæsum hratt á vestanverðu landinu. Margæsir eru fargestir á Íslandi á leið sinni til og frá varpstöðvum sínum í heimsskautahéruðum NA-Kanada. Á vorin koma fyrstu fuglar frá Írlandi í byrjun apríl og þeim fjölgar jafnt og þétt til 10. maí að hámarki er náð. Gæsirnar dvelja víða með ströndum Faxaflóa og við sunnanverðan Breiðafjörð uns þær hverfa allar á braut síðustu daga maímánaðar. Þá eiga þær fyrir höndum erfitt flug á varpstöðvar sínar, um 3000 km leið, sem oft er farin nær viðstöðulaust á um þremur sólarhringum. Leiðin liggur þvert yfir Grænlandsjökul í allt að 2400 metra hæð yfir sjó. Sá hluti leiðarinnar er mjög krefjandi og eiga spikfeitar gæsirnar oft í mestu erfiðleikum að klifra í nægilega hæð til að komast yfir hábungu jökulsins. Flugið gengur mun hraðar fyrir sig eftir það. Lesa meira

Margæs er smávaxin hánorræn gæsategund (litlu stærri en æðarfugl) sem á varpheimkynni allt umhverfis norðurheimskautið. Hún er náskyld helsingja Branta leucopsis, sem er talsvert stærri og allfrábrugðinn í útliti. Þrátt fyrir það rugla sumir þessum tegundum saman, eins og nýlegt dæmi er um (Mbl. 8. maí 2002, bls. 2). Lesa meira