Geitungar

Trjágeitungur (Dolichovespula norwegica) gægist undan laufblaði. Ljósm. Erling Ólafsson

Geitungar tilheyra ættinni Vespidae en hún heyrir undir ættbálk æðvængna (Hymenoptera) í flokki skordýra (Insecta). Geitungar eru félagsskordýr sem lifa og starfa saman í fjölliðuðum samfélögum. Þeir byggja bú utan um ættboga sem á rætur að rekja til einnar drottningar, en hún hefur búskapinn ein síns liðs að vori.

Geitungar eru nýliðar í smádýrafánu landsins og má rekja landnám þeirra aftur til ársins 1973. Fjórar tegundir geitunga hafa náð hér fótfestu, húsageitungur (Paravespula germanica), holugeitungur (Paravespula vulgaris), trjágeitungur (Dolichovespula norwegica) og roðageitungur (Vespula rufa).

Á Náttúrufræðistofnun Íslands hefur verið fylgst með landnámi geitunga og hvernig þeim hefur reitt af frá ári til árs.

Tenglar:

• Geitungar - nýliðar á Íslandi
• Lífsferlar geitunga
• Geitungsdrottningin Regína og örlög hennar
• Geitungabúin
• Geitungar verða fyrir skakkaföllum