Fálkinn sem rataði heim!

Hér situr fálkinn á barði og gæðir sér á önd sem sjá má á dúnflekknum í kringum hann. Ljósm. Jóhann Óli Hilmarsson

Veturinn 1998-99 náðist fálki við Skagaströnd. Fuglinn sem var á 1. ári var lifandi en særður skotsári á væng og vængbrotinn. Hann var sendur suður til Náttúrufræðistofnunar og dýralæknar á Dýraspítalanum bjuggu um sárið. Fuglinn var hafður í haldi fram í lok apríl 1999 en þá var hann orðið það sprækur að honum var gefið frelsi. Fuglinum var sleppt við Úlfarsá í Reykjavík. Eftir þetta fréttist ekkert af fálkanum fyrr en nú í vor þremur árum seinna en þá fundu skólabörn hann nýlega dauðan við Skagaströnd. Kominn aftur á sínar fornu slóðir um 200 km langa vegalengd.

Fálkinn sem hér er frá sagt var fyrirmyndar fyrirsæta meðan hann var í haldi. Ljósm. Jóhann Óli Hilmarsson.