Sjávarhryggleysingjar
Hryggleysingjar í sjó vísar til sundurleits samansafns af gerólíkum dýrum, sem eiga fátt annað sameiginlegt en að lifa í sjó og vanta hrygg. Hópurinn sjávarhryggleysingjar er úrelt flokkunareining, því sem slíkur samsvarar hann ekki náttúrulegum dýrahóp sem inniheldur alla afkomendur sameiginlegs forföðurs.
Sumir ætla að í heimshöfunum séu um 180.000 tegundir hrygglausra sjávardýra, að einfrumungum og bakteríum undanskyldum (Briggs, J.C. 1994, Systematic Biology). Sjávarhryggleysingjar eru samtíningur um 35 náttúrulegra fylkingum og stærri hópa. Fjölskrúðugustu dýrahópar heimshafanna eru liðdýr (Arthropoda: 37.000 tegundir), þráðormar (Nematoda: 35.000 tegundir), lindýr (Mollusca: 29.000 tegundir) Hóparnir seildýr (Chordata), liðormar (Annelida) og mosadýr (Bryozoa), eru hver með um 15.000 tegundir. Aðrar fylkingar hafa færri en 10.000 tegundir. Rannsóknir Náttúrufræðistofnunar á sjávarhryggleysingjum fara einkum fram í tengslum við verkefnið Botndýr á Íslandsmiðum (BIOICE). Það er fjölþjóðlegt samstarf flokkunarfræðinga í ýmsum hópum sjávarhryggleysingja. Auk þessa eru stundaðar víðtækar rannsóknir á sjávarhryggleysingjum og búsvæðum þeirra á Hafrannsóknastofnuninni og á Líffræðistofnun Háskóla Íslands.
Verkefnið Botndýr á Íslandsmiðum (BIOICE) var sett á laggirnar árið 1992. Meginmarkmið verkefnisins eru að kanna hvaða dýr lifa á hafsbotninum innan íslensku efnahagslögsögunnar, í hve miklu magni þau eru og hvernig útbreiðslu þeirra er háttað. Sýnatöku lauk árið 2004 eftir 19 leiðangra á þremur rannsóknaskipum. Alls voru tekin 1390 sýni á 579 stöðvum innan efnahafslögsögu landsins, frá um 20-3000 m dýpi.
Meira um Botndýr á Íslandsmiðum
Umsjónarmaður botndýrarannsókna á NÍ