Rykmý
Rykmý eru mýflugur af ættinni Chironomidae. Þær tilheyra ættbálki tvívængna (Diptera) í flokki skordýra (Insecta). Hér á landi eru þekktar 80 tegundir rykmýs sem margar hverjar eru afar mikilvægar í vistkerfum vatna af öllu tagi og eru þar gjarnan undirstöðufæða fugla og fiska.
Um nokkurra ára skeið hafa farið fram á Náttúrufræðistofnun Íslands undirstöðurannsóknir rykmýsfánu landsins. Markmið verkefnisins var að afla upplýsinga um hvaða tegundir rykmýs er að finna á landinu og meta útbreiðslu og mikilvægi. Farið var í gengum rykmýssöfn, ný og gömul sem varðveitt eru á ýmsum stofnunum hérlendis og erlendis. Eintökum hefur verið komið fyrir í vísindasafni Náttúrufræðistofnunar og upplýsingar um þau skráð í gagnagrunn hennar.
Þessum þætti rykmýsrannsóknanna lauk með útkomu heftis í ritröðinni “The Zoology of Iceland” (sjá tengil).
Umsjón: Þóra Hrafnsdóttir