MEINDÝR
 |
| Hveitibjöllur (Tribolium destructor) eru með algengustu meindýrum í híbýlum okkar. Þær leita í mjölvöru af flestu tagi. Ljósm. Erling Ólafsson. |
Á Náttúrufræðistofnun Íslands er boðið upp á greiningar- og ráðgjafarþjónustu fyrir almenning og meindýraeyða vegna meindýra í heimahúsum, verslunum og þjónustufyrirtækjum, verksmiðjum og öðrum framleiðslufyrirtækjum. Komið er með sýni í afgreiðslu stofnunarinnar og eru þau greind af sérfræðingum hennar við fyrstu hentugleika og niðurstöður póstsendar viðkomandi ásamt upplýsingum um lifnaðarhætti og skaðsemi dýranna og leiðbeiningum um aðgerðir, ef þess er kostur.
Þjónusta þessi er verðlögð á kr. 1.500.
Það skal tekið fram að oft er komið með smádýr í greiningu sem vart teljast til meindýra, þ.e. valda ekki skemmdum eða öðru tjóni. Sérfræðingar Náttúrufræðistofnunar vilja því beita nafngiftinni meindýr af varúð og gera greinarmun á því hvort dýr sé skaðvaldur eða bara hvimleiður granni. „Hvimleiður“ er síðan matsatriði hvers og eins.
Hér má tengjast umfjöllunum um smádýr sem geta hvort heldur sem er talist til meindýra eða hvimleiðra granna.