Hvítmaðkar (Plesiophora)

Hvítmaðkar eru dæmigerðir ormar, langir og grannir, sem dragast sundur og saman og hlykkjast óreglulega þegar þeir skríða. Þeir eru fölir á lit, hvítir eða fölrauðir, nær gegnsæir þannig að greina má innvolsið. Það skiptir máli við tegundagreiningu, því að ytra útliti eru tegundirnar hver annarri lík. Hvítmaðkar eru allt að 3 cm á lengd en flestir eru miklu minni.

Hvítmaðkar finnast bæði í söltu og fersku vatni og í rökum jarðvegi. Sennilega er óvíða meira af þeim en undir rotnandi þangi sem skolast hefur upp á strendur. Á landi vegnar þeim best í rotnandi plöntuleifum, t.d. í safnhaugum í görðum okkar. Þeir gegna mikilvægu hlutverki við niðurbrot plöntuleifa líkt og ánamaðkar. Á hánorrænum slóðum þar sem lítið er um ánamaðka eru hvítmaðkar mikilvægir í jarðvegi.

Hvítmaðkar á Íslandi

Nær ekkert er vitað hvítmaðkafánu Íslands. Henni hefur ekki verið sinnt til þessa, en gera má ráð fyrir að hún samanstandi af nokkrum tugum tegunda.