Dvergfætlur (Pauropoda)

Dvergfætlur eru agnarsmáar fjölfætlur, innan við eða rúmlega einn millimetri á lengd. Liðskiptur, grannur bolurinn er gerður úr 11 eða 12 liðum, með sex bakplötur og 9 eða 10 pör fóta. Þær hafa engin augu á höfði en þrígreinda fálmara.

Dvergfætlur lifa í rökum jarðvegi og rotnandi laufum og eru taldar lifa á sveppum.

Dvergfætlur á Íslandi

Dvergfætlur eru afar vandfundnar og fundust ekki hér á landi fyrr en erlendur sérfræðingur í mordýrum (Collembola) kom til landsins 2004 og tók jarðvegssýni til að forvitnast um mordýrafánuna okkar. Enn er því mest lítið vitað um dvergfætlur á Íslandi.