Beinvængjur (Orthoptera)

Beinvængjur eru meðalstór til stór skordýr, stundum mjög stór. Þær hafa sterka bitkjálka og meðallanga til mjög langa fálmara. Tvö pör vængja, framvangir mjóir leðurkenndir, en afturvængir breiðir og himnukenndir sem liggja samanbrotnir undir framvængjunum í hvíld. Eru stundum vænglausar. Beinvængjur hafa stóra og mjög sterka afturfætur sem þær nota til að stökkva með kröftuglega. Á afturenda eru tvö stutt skott.

Flestar beinvængjur nærast á plöntum og eru sumar þekktar fyrir að valda tjóni á gróðri. Aðrar eru alætur. Hið alkunna suð engisprettna myndast þegar þær nudda saman fram- og afturvæng eða lærum við framvængina, en það er misjafnt eftir tegundum. Það eru fyrst og fremst karldýr sem mynda hljóðin. Engisprettur og krybbur tilheyra beinvængjum.

Beinvængjur á Íslandi

Íslandi hefur ein tegund engisprettu, húsaspretta (Tachycines asynarmorus), fundist í gróðurhúsum. Sennilega er hún þó ekki viðloðandi lengur. Engisprettur og krybbur af ýmsum tegundum berast annað slagið til landsins með varningi.

Engispretta (Orthoptera), innlutt tegund

ORTHOPTERA

Rhaphidophoridae

Tachycines asynamorus Adelung, 1902