Kögurvængjur (Thysanoptera)

Kögurvængjur eru smávaxin, staflaga skordýr. Fálmarar eru stuttir, rætur þeirra liggja saman og mynda þeir V fram úr hausnum. Munnlimir eru oddlaga og með þeim skrapa dýrin þekjuvefi plantna. Kögurvængjur hafa tvö pör mjórra vængja með löngum hárum (kögri) á afturjaðri vængjanna. Sumar eru þó vængjalausar.

Kögurvængjur nærast á plöntum og finnast á fjölmörgum tegundum. Sumar eru skaðvaldar á nytjaplöntum, t.d. ávaxtatrjám og í gróðurhúsum.

Kögurvængjur á Íslandi

Hér á landi hafa fundist átta tegundir kögurvængja, þar af þrjár í gróðurhúsum og híbýlum okkar. Í náttúrunni finnast kögurvængjur einkum laufblöðum plantna, blómum og víðireklum, stundum í umtalsverðum fjölda. Sökum smæðar ber þó oftast lítið á kögurvængjum nema sérstaklega sé hugað að þeim.

Kögurvængjan Taeniothrips atratus

THYSANOPTERA

Phlaeothripidae

Haplothrips aculeatus (Fabricius, 1803)

Thripidae

Apterothrios secticornis (Trybom, 1896)

Aptinothrips rufus (Gmelin, 1788)

Aptinothrips stylifer  Trybom, 1894

Frankliniella occidentalis (Pergande, 1895)

Parthenothrips dracaenae (Heeger, 1852)

Taeniophrips atratus (Haliday, 1836)

Thrips tabaci Lindeman, 1888