Soglýs (Siphunculata)

Soglýs eru smávaxin sníkjudýr útvortis á fuglum og spendýrum eins og naglýsnar og nærast á blóði. Þær eru einnig flatvaxnar og vængjalausar. Höfuðið er mjótt, lítil eða engin augu, fálmarar stuttir og munnlimir mótaðir til að sprengja húð og sjúga. Ein sterka kló á hverjum fæti, til að tryggja góða festingu við hýsilinn.

Soglýs og naglýs hafa löngum verið taldar til sama ættbálks (Phthiraptera). Soglýs eru einnig afar sérhæfðar í vali á hýslum og staðsetningu á líkama þeirra.

Soglýs á Íslandi

Á Íslandi hafa fundist fimm tegundir soglúsa, þar af ein, mannalúsin (Pediculus humanus) í tveimur afbrigðum, höfuðlús (P. h. humanus) og fatalús (P. h. corporis). Þá skal og getið flatlúsar (Phthirus pubis) sem við tökum ekki með fögnuði frekar en þeim lúsum sem leggjast á kollinn okkar.

SIPHUNCULATA

Echinophthiriidae

Echinophthirius horridus (von Olfers, 1816) Selalús

Haematopinidae

Haematopinus suis (Linnaeus, 1758)        Svínalús

Lingognathidae

Linognathus setosus (von Olfers, 1816)     Hundalús

Pediculidae

Pediculus humanus capitis DeGeer, 1778    Höfuðlús

Pediculus humanus corporis DeGeer, 1778   Fatalús

Phtiridae

Phthirus pubis (Linnaeus, 1758)               Flatlús