Stökkskottur (Archaeognatha)
Stökkskottur eru frumstæð, vængjalaus skordýr. Þær eru aflangar, bolurinn 12-14 mm langur, hafa langa, þráðlaga fálmara og þrjú löng, liðskipt skott sem öll beinast aftur frá bolnum. Auk þriggja fótapara á frambol hafa stökkskottur leifar fóta á afturbol sem bera uppruna þeirra vitni, þ.e. forföður sem skordýrin eiga sameiginlegan með fjölfætlum. Þær eru snarar í snúningum og geta stokkið eins og nafnið bendir til.
Í fljótu bragði líkjast stökkskottur kögurskottum. Þær má m.a. aðgreina á augunum, þar sem stökkskottur hafa stór, samsett augu en kögurskottur lítil eða engin augu.
Stökkskottur á Íslandi
Á Íslandi lifir ein tegund stökkskotta, kampaskotta (Petrobius brevistylis). Hún 
þekkist einnig undir heitinu kampafló. Kampaskotta hefur fundist í öllum landshlutum. Hún finnst helst í fjörukömbum og sjávarhömrum. Sennilega er hún við sjávarsíðuna allt í kringum landið, þó aðeins sé hún þekkt frá einum stað á Norðurlandi. Á nokkrum stöðum á Suðausturlandi hafa kampaskottur fundist langt inni í landi, þar sem eru fornar sjávarstrendum frá lokum ísaldar.
Stökkskottur eru samlitar klöppum og steinum þar sem þær kalda sig. Þær leynast gjarnan inni í rökum glufum þar sem þær eru taldar nærast á þörungum. Því ber gjarnan lítið á þeim, en stundum má sjá þær skjótast örsnökkt á milli glufa.
Kampaskotta (Petrobius brevistylis)
ARCHAEOGNATHA
Machilidae
Petrobius brevistylis Carpenter, 1913 Kampaskotta