Út er komið nýtt uppfært tegundatal yfir rykmý í ritröðinni The Zoology of Iceland. Rykmý er ríkjandi hópur í lífríki ferskvatns og mikilvægur hlekkur í fæðukeðjunni. Það er Þóra Hrafnsdóttir, líffræðingur, sem vann við uppfærslu tegundalistans á Náttúrufræðistofnun Íslands og var það verkefni hennar til meistaranáms við Kaupmannahafnarháskóla. Niðurstöður hennar sýna að á Íslandi eru 80 tegundir rykmýs og fann Þóra 20 nýjar tegundir fyrir landið í rannsókn sinni. Lesa meira

Geitungarnir sem numu hér land á áttunda áratug nýliðinnar aldar virðast vera að finna sinn vitjunartíma eða upprisutíma að vetri gengnum í kringum 25. maí, en undanfarin vor hefur einmitt mátt vænta þeirra um það leyti. Fyrrum var um meiri óreglu að ræða. Þannig hafa geitungarnir aðlagast íslenskum staðháttum.

Lesa meira

Fimmtán tegundir plantna hafa fest rætur í Systraskeri, nýju jökulskeri í Breiðamerkurjökli, sem kom uppúr jöklinum haustið 2000. Breiðamerkurjökull hefur verið að hopa frá aldamótum 1900 og hefur gróður verið vaktaður í Esjufjöllum, Káraskeri og Bræðraskeri í um 40 ár. Þegar Hálfdán og Helgi Björnssynir frá Kvískerjum komu í Systrasker fyrstir manna haustið 2002 var þar enginn gróður. Í leiðangri á vegum Náttúrufræðistofnunar nú í júlí mældist skerið um 270 m langt og 100 m breitt. Það er í 440-500 m h.y.s. Lesa meira

Fjallkjói hefur komið upp unga hér á landi í fyrsta sinn svo vitað sé. Í rjúpnarannsóknaleiðangri NÍ seint í júní sást fullorðinn fjallkjói á Mývatnsheiði og þann 12. ágúst sl. sáust á sama stað a.m.k. tveir fullorðnir fjallkjóar og nýlega fleygur fjallkjóaungi sem fylgdi fullorðnu fuglunum.
Lesa meira

Arnarstofninn hefur rúmlega þrefaldast frá því að bannað var að eitra fyrir tófu árið 1964 og telur hann nú 65 fullorðin pör. Af þeim urpu 42 pör í vor en aðeins 23 þeirra komu upp ungum eða rúmlega þriðjungur stofnsins. Kuldatíð á viðkvæmum tíma í apríl og maí hefur vafalítið haft áhrif á þennan slæga varpárangur en grunur leikur á að tvö hreiður hafi misfarist af mannavöldum. Engu að síður eru um þetta leyti 35 arnarungar að komast á legg, fleiri en nokkru sinni síðan farið var að fylgjast með arnarvarpi árið 1959. Þetta stafar af óvenju háu hlutfalli tvíbura í arnarhreiðrum, en þeir voru tólf að þessu sinni.

9. ágúst 2005

Lesa meira

Veturinn 2001–2002 drápust a.m.k. tugir ef ekki hundruð þúsunda svartfugla, mest langvía og stuttnefja, fyrir ströndum Íslands. Hungur drap fuglana.
Nýlega kom út ritgerð um rannsóknir á þessum felli og hún birtist í Náttúrufræðingnum 72. árgangi, 2004 bls. bls. 117-127. Alla vetur síðan hefur orðið vart við hungurdauðan fugl. Á þessum vetri byrjaði þetta snemma í janúar og dauðan fugl hefur verið að reka í Ísafjarðardjúpi, á Ströndum, í Skagafirði, á Langanesi, við Vattarnes og í Vestmannaeyjum. Nokkrir fuglar hafa verið krufnir og þeir voru hungurdauðir eins og fyrr. Náttúrufræðistofnun hefur safnað upplýsingum um þennan felli og menn beðnir að hafa samband við stofnunina verði þeir varir við eitthvað þessu líkt. Lesa meira