Í upphafi heimsóknarinnar í Reykjavík áttu forstjóri NÍ og umhverfisráðherra fund saman um ýmis málefni Náttúrufræðistofnunar. Gestunum voru sýnd húsakynni stofnunarinnar, þeir heilsuðu upp á starfsmenn og fengu kynningu á nokkrum af þeim fjölmörgu verkefnum sem unnið er að á NÍ. Ráðherra bauð uppá konfekt með kaffinu og starfsmönnum gafst kostur á að bera fram fyrirspurnir.
Heimsóknin var í alla staði ánægjuleg og Náttúrufræðistofnun Íslands óskar Þórunni Sveinbjarnardóttur góðs gengis í starfi á komandi árum og væntir góðs samstarfs við hana.