Nýr landnemi!

Krossnefurinn er ólíkindatól; finkutegund sem lifir í skógum á norðurhveli jarðar, karlfuglinn fagurrauður og kvenfuglinn gullleitur, sýnir litla átthagatryggð og flakkar í sumum árum langt út fyrir eiginleg heimkynni sín, étur fræ barrtrjáa og varptíminn, sem er á veturna, ræðst af þroskaferli barrfræjanna. Einkenni og stolt þessa fugls er tilkomumikið nef þar sem skoltarnir ganga á víxl og af því dregur tegundin nafn sitt.

Krossnefir hafa mjög lengi verið þekktir sem gestir á Íslandi, sum ár koma þeir hingað í stórum hópum og þetta flakk helgast væntanlega af ástandi í heimkynnum þeirra í Norður-Evrópu. Með aukinni ræktun barrtrjáa hér á Íslandi hafa skapast skilyrði fyrir þennan fugl. Vitað var um eina varptilraun 1994 austur í Fljótshlíð. Þá urpu fuglarnir í desember en varpið misfórst.

 



4. mynd. Sendlingur í vetrarfuglatalningu 2008. Eini vaðfuglinn sem sést í öllum landshlutum á veturna og heldur þá einkum til í þangi vöxnum klapparfjörum en einnig á leirum í góðri tíð. Er einna algengastur suðvestanlands. Alls sáust 3212 sendlingar á 60 svæðum að þessu sinni.



4. mynd. Sendlingur í vetrarfuglatalningu 2008. Eini vaðfuglinn sem sést í öllum landshlutum á veturna og heldur þá einkum til í þangi vöxnum klapparfjörum en einnig á leirum í góðri tíð. Er einna algengastur suðvestanlands. Alls sáust 3212 sendlingar á 60 svæðum að þessu sinni.

Fullorðinn krossnefur matar unga sinn. Ljósm. Ómar Runólfsson.

Krossnefir hafa verið fastagestir á Íslandi nokkur síðustu ár og sést hópum saman 2008. Síðsumars 2008 var ljóst að mikið fræfall yrði af sitkagreni nú í vetur. Þetta hafa krossnefirnir nýtt sér. Ómar Runólfsson, fuglaáhugamaður, staðfesti varp þeirra í skógarteigunum austur við Sog þann 25. október 2008; hann sá fullorðna fugla mata 2-3 nýfleyga unga. Nýjustu fréttir herma að nú á Þorra séu krossnefspör tugum saman í tilhugalífi og að undirbúa varp bæði á Suðurlandi og í nágrenni Reykjavíkur! Það verður spennandi að fylgjast með landnámi þessa sérkennilega fugls.

 



4. mynd. Sendlingur í vetrarfuglatalningu 2008. Eini vaðfuglinn sem sést í öllum landshlutum á veturna og heldur þá einkum til í þangi vöxnum klapparfjörum en einnig á leirum í góðri tíð. Er einna algengastur suðvestanlands. Alls sáust 3212 sendlingar á 60 svæðum að þessu sinni.



4. mynd. Sendlingur í vetrarfuglatalningu 2008. Eini vaðfuglinn sem sést í öllum landshlutum á veturna og heldur þá einkum til í þangi vöxnum klapparfjörum en einnig á leirum í góðri tíð. Er einna algengastur suðvestanlands. Alls sáust 3212 sendlingar á 60 svæðum að þessu sinni.

Krossnefspar í tilhugalífi. Ljósm. Örn Óskarsson.