Lóan er komin í Surtsey
Leiðangur var farinn til Surtseyjar 19.–21. maí s.l. til að setja þar upp sjálfvirka veðurstöð. Tími gafst til að fara um eyna og huga aðeins að gróðri og dýralífi. Það sem kom leiðangursmönnum mest á óvart var að finna heiðlóuhreiður með fjórum eggjum í hálfgrónu hrauninu á suðurhluta eyjarinnar. Þar hafði lóan gert sér hreiður í melgresistoppi.
Lesa meira
Ársfundur Náttúrufræðistofnunar 2009
Surtarbrandur fjarlægður án leyfis
Vegna fréttar um surtarbrand sem birtist í sjónvarpsfréttum RÚV þann 11. maí síðastliðinn vill Náttúrufræðistofnun vekja athygli á öðrum málslið 40. gr. laga um náttúruvernd nr. 44/1999. Þar segir: „Óheimilt er að nema brott eða losa steingervinga af fundarstað. Umhverfisráðuneytið getur þó að fenginni umsögn Náttúrufræðistofnunar Íslands veitt undanþágu frá ákvæði þessu í þágu jarðfræðirannsókna.“ Náttúrufræðistofnun lítur það alvarlegum augum að surtarbrandurinn hafi verið fjarlægður án leyfis og að fjölmiðlar sýni lögbrot „í beinni útsendingu“.
Alþjóðlegi farfugladagurinn 9. maí 2009
Haldið verður upp á alþjóðlega farfugladaginn á Álftanesi næstkomandi laugardag, 9. maí. Boðið verður upp á gönguferð og fuglaskoðun, leiðbeiningar um fuglaljósmyndun og ýmsar upplýsingar um fugla, ferðir þeirra og farleiðir og um náttúru Álftaness.
Lesa meira