Fyrsta Hrafnaþingið á nýju ári

Trausti Baldursson, líffræðingur hjá Náttúrufræðistofnun Íslands, mun á næsta Hrafnaþingi, miðvikudaginn 23. janúar, flytja erindi sitt Natura Ísland 2012-2015 - Flokkun vistgerða og kortlagning búsvæða dýra og plantna.

Í erindinu verður fjallað um rannsóknaverkefnið Natura Ísland sem snýr að flokkun og kortlagningu vistgerða og búsvæða dýra og plantna á láglendi Íslands. Í erindinu verður fyrst og fremst leitast við að lýsa tilurð verkefnisins og tengslum þess við tilskipanir ESB, EES samninginn og alþjóða samninga sem Ísland er aðili að. Farið verður yfir helstu markmið og tilgang rannsóknanna og stöðu verkefnisins í dag. Nánari upplýsingar um erindið eru á vef stofnunarinnar.

Erindið verður flutt í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð kl. 15:15-16:00. Sjá kort.

Hrafnaþing er opið öllum. Verið velkomin!

Dagskrá Hrafnaþings veturinn 2012-2013