Fréttir

Náttúrufræðistofnun Íslands óskar samstarfsmönnum og landsmönnum öllum gleðilegra jóla og farsældar á nýju ári.

Vistgerðakort Náttúrufræðistofnunar Íslands hefur verið endurskoðað og önnur útgáfa af því orðin aðgengileg í kortasjá stofnunarinnar.

Hrafnaþing Náttúrufræðistofnunar Íslands verður haldið miðvikudaginn 28. nóvember kl. 15:15–16:00. Magnús Guðmundsson framkvæmdastjóri Vatnajökulsþjóðgarðs flytur erindið „Vatnajökulsþjóðgarður á krossgötum“.

Nýlega kom út bókin bókin „Mosar á Íslandi“ eftir Ágúst H. Bjarnason plöntuvistfræðing. Í henni er blaðmosum, flatmosum og hornmosum lýst í máli og myndum. Útgefandi er höfundur sjálfur.

Surtsey á 55 ára afmæli á morgun, miðvikudaginn 14. nóvember, en þann dag árið 1963 hófst neðansjávareldgos við Vestmannaeyjar og eyjan varð til. Gosið stóð í rúmt þrjú og hálft ár og er það með lengstu eldgosum sem þekkt eru hér á landi.

Hrafnaþing Náttúrufræðistofnunar Íslands verður haldið á morgun, miðvikudaginn, 14. nóvember kl. 15:15–16:00. Sunna Björk Ragnarsdóttir sjávarlíffræðingur hjá Náttúrufræðistofnun Íslands flytur erindið „Þéttleikabreytingar algengra fjöruhryggleysingja á Suðvesturlandi“.

Út er komin bókin „Flóra Íslands – blómplöntur og byrkningar“ eftir Hörð Kristinsson, Jón Baldur Hlíðberg og Þóru Ellen Þórhallsdóttur. Bókin er unnin í samstarfi við Náttúrufræðistofnun Íslands og gefin út af Vöku-Helgafelli.

Náttúrufræðistofnun Íslands biður samstarfshóp um ástand rjúpnastofnsins afsökunar á mistökum sem urðu á kynningu á veiðiráðgjöf þetta haustið. Eftir fund hópsins í september síðastliðnum var sú ákvörðun tekin hjá stofnuninni að nota breyttar forsendur við framreikninga á stofnstærð rjúpunnar miðað við hvað gert hefur fram til þessa. Fyrir fórst að kynna samráðshópnum þessi breyttu rök. Náttúrufræðistofnun Íslands harmar þessi mistök og óskar eftir áframhaldandi góðu samstarfi um greiningu á ástandi rjúpnastofnsins.

Hrafnaþing Náttúrufræðistofnunar Íslands verður haldið miðvikudaginn, 31. október kl. 15:15–16:00. Hreinn Óskarsson skógfræðingur hjá Skógræktinni flytur erindið „100 ára friðun birkiskóga á Þórsmerkursvæðinu“.

Í erindinu verður fjallað um útbreiðslu birkiskóga á Þórsmerkursvæðinu, uppgræðsluaðgerðir og sögu beitarfriðunar á svæðinu.

Náttúrufræðistofnun Íslands hefur birt nýja válista plantna, spendýra og fugla. Þetta er í fyrsta sinn sem válisti spendýra er unninn hér á landi.

Náttúrufræðistofnun Íslands hefur metið veiðiþol rjúpnastofnsins 2018. Niðurstöðurnar voru kynntar umhverfis- og auðlindaráðherra í bréfi þann 13. september sl. Ráðlögð rjúpnaveiði í haust er um 67 þúsund fuglar, en hún var á síðasta ári 57 þúsund fuglar. Stofnunin leggur áherslu á að hvergi verði slakað á í þeirri viðleitni að draga sem mest úr heildarafföllum rjúpunnar.

Í nýútkominni skýrslu Náttúrufræðistofnunar Íslands er greint frá niðurstöðum rannsókna á framvindu gróðurs á svæðum á suður- og norðurhluta landsins, þar sem alaskalúpína hafði vaxið og breiðst út um áratuga skeið. Á rannsóknasvæðum á Suðurlandi komu fram skýr merki um hörfun lúpínu á meðan merki um slíkt voru ekki eins skýr norðanlands. Alaskalúpína hefur breiðst mjög út á friðuðum svæðum um allt land á undanförnum áratugum.

Tekið hefur verið saman yfirlit yfir frjómælingar í Garðabæ og á Akureyri sumarið 2018. Í Garðabæ var heildarfjöldi frjókorna langt undir meðaltali en á Akureyri voru frjókorn töluvert fleiri en í meðalári.

Hlýnandi loftslag gerir hávöxnum tegundum kleift að nema land á heimskautasvæðum og háfjallatúndrum, auk þess sem gróður sem var þar fyrir nær meiri hæð en áður. Þetta er meðal þess sem kemur fram í nýrri grein eftir 130 líffræðinga sem birt er í tímaritinu Nature.

Vísindavaka Rannís var haldin í Laugardalshöll síðastliðinn föstudag, 28. september. Þar gafst gestum kostur á að kynnast vísindum á lifandi og gagnvirkan þátt.

Vísindavaka 2018 verður haldin í Laugardalshöllinni, föstudaginn 28. september. Náttúrufræðistofnun Íslands tekur þátt með kynningu á íslenska refnum og rannsóknum á stofni hans.

Á sunnudaginn 16. september er dagur íslenskrar náttúru. Náttúrufræðistofnun Íslands og IKEA ætla að fagna deginum saman með því að bjóða upp á myndasýningu í anddyri verslunarinnar á meðan opnunartíma stendur.

Í ágúst var fjöldi frjókorna á Akureyri hátt yfir meðallagi og í Garðabæ var hann aðeins meiri en í meðalári. Nú fer frjótíma senn að ljúka en þó má gera ráð fyrir að grasfrjóa verði vart á góðviðrisdögum í september.

Júlí var sólarlítill og kaldari en í meðalári á höfuðborgarsvæðinu og var heildarfjöldi frjókorna því frekar lítill. Á Akureyri voru frjótölur í júlí nálægt meðaltali fyrri ára. 

Tegundafjöldi æðplantna hefur haldist nokkuð stöðugur síðustu ár í Surtsey eða um og yfir 60 tegundir en gróðurinn er almennt þroskamikill þetta sumarið vegna ríkjandi og langvarandi úrkomutíðar. Máfavarpi hefur heldur hnignað í eynni en varp fýla er með eðlilegu móti. Agnarsmá skrautleg flugutegund af frittfluguætt sem fannst á síðasta ári ný fyrir Surtsey og Ísland líka fannst nú aftur og í meiri fjölda.

Náttúrufræðistofnun Íslands hefur opnað nýja kortasjá þar sem sýnd eru tiltekin náttúrufyrirbæri sem njóta sérstakrar verndar samkvæmt 61. grein laga nr. 60/2013 um náttúruvernd. Uppfærð útgáfa kortasjárinnar verður tilbúin haustið 2018 og þá verða landupplýsingagögn gerð aðgengileg til niðurhals.

Á Akureyri mældist fjöldi frjókorna í júní yfir meðallagi en í Garðabæ mældust mjög fá frjókorn. Á báðum stöðum er frjótíma birkis lokið en aðalfrjótími grasa er framundan í júlí og ágúst.

Náttúrufræðistofnun Íslands í Garðabæ hefur staðist úttekt á öllum fimm Grænum skrefum í ríkisrekstri og hefur hlotið viðurkenningu þess efnis. Stofnunin er ein af þremur stofnunum sem hafa lokið þessum áfanga.

Reglulega finnast hér á landi smádýr sem ekki hafa sést hér áður. Þróun veðurfars undanfarið hefur leitt til breytinga á smádýralífi landsins. Sem dæmi má nefna að ýmsum áður fágætum, en líkast til gamalgrónum tegundum, hefur fjölgað og þær því komið í leitir. Breytt veðurfar hefur einnig skapað möguleika fyrir ýmis smádýr sem hingað slæðast til að setjast að. Sum smádýr berast hingað fyrir eigið tilstilli en mun algengara þó er að þau fylgi innfluttum varningi.

Frjómælingar hafa staðið yfir á Akureyri og í Garðabæ síðan í mars. Á Akureyri var óvenju mikið af frjókornum í lofti í maí en í Garðabæ hafði mikil úrkoma þau áhrif að birkifrjó voru langt undir meðallagi.

Rjúpnatalningum á vegum Náttúrufræðistofnunar Íslands vorið 2018 er lokið. Mikil fjölgun rjúpna var alls staðar nema á Suðurlandi, Suðausturlandi og Austurlandi. Miðað við ástand stofnsins frá síðustu aldamótum er rjúpnafjöldinn í ár í meðallagi eða yfir meðallagi í öllum landshlutum.

Ný skýrsla um loftslagstengdar breytingar á náttúru og samfélagi á Íslandi var kynnt á Veðurstofu Íslands í gær, 3. maí. Skýrslan mun nýtast stjórnvöldum, meðal annars við fræðslu, vöktun og aðlögun að loftslagsbreytingum.

Náttúrufræðistofnun Íslands hefur gefið út ritið Selalátur við strendur Íslands og birt kortasjá þar sem gerð er grein fyrir útbreiðslu og umfangi selalátra.

Ársfundur Náttúrufræðistofnunar var haldinn í 25. sinn miðvikudaginn 18. apríl síðastliðinn á Hótel Reykjavík Natura. Á honum voru flutt ávörp og erindi um verkefni sem unnið hefur verið að á stofnuninni.

Stefán Arnórsson, prófessor emeritus í jarðefnafræði flytur erindi á Hrafnaþingi, í samvinnu við Landvernd, miðvikudaginn 25. apríl kl. 15:15.

Ársfundur Náttúrufræðistofnunar Íslands verður haldinn á Hótel Reykjavík Natura, miðvikudaginn 18. apríl kl. 9:30–12:00.

Frjómælingar eru hafnar í Garðabæ og á Akureyri og munu þær standa út september. Hægt er að fylgjast með mælingum á birki og grasfrjóum á vef Náttúrufræðistofnunar Íslands en þær er gott að nota sem viðmið um hvenær blómgun þessara tegunda er byrjuð eða vel á veg komin.

Ársafkoma jökla á Tröllaskaga var neikvæð jökulárið 2016–2017. Ástæðan er einkum hlýtt sumar og haust árið 2017 og lítil vetrarákoma á jöklana.

Hrafnaþing Náttúrufræðistofnunar Íslands verður haldið miðvikudaginn, 28. mars kl. 15:15–16:00. Rakel Dawn Hanson dýrafræðingur í starfsnámi hjá Náttúrufræðistofnun Íslands flytur erindið „Áhrif fjölmiðla á aðgerðir til dýraverndar“.

Árið 2017 voru alls merktir 21.463 fuglar af 85 tegundum hér á landi. Er þetta metfjöldi merktra fugla á einu ári. Mest var merkt af auðnutittlingi en næstmest af skógarþresti.

Hrafnaþing Náttúrufræðistofnunar Íslands verður haldið miðvikudaginn, 14. mars kl. 15:15–16:00. Borgþór Magnússon plöntuvistfræðingur hjá Náttúrufræðistofnun Íslands flytur erindið „Vistgerðir birkiskóga“.

Landsmenn bera áfram mikið traust til Náttúrufræðistofnunar Íslands samkvæmt könnun Capacent sem gerð var í febrúar síðastliðnum. Samkvæmt henni nýtur stofnunin mikils trausts 60% landsmanna.

Náttúrufræðistofnun Íslands óskar eftir að ráða starfsmenn í þrjár lausar stöður. Um er að ræða fullt starf í öllum tilvikum. Umsóknafrestur er til 15. mars 2018.

Hrafnaþing Náttúrufræðistofnunar Íslands verður haldið miðvikudaginn, 28. febrúar kl. 15:15–16:00. Ólafur K. Nielsen vistfræðingur hjá Náttúrufræðistofnun Íslands flytur erindið „Stofnbreytingar rjúpu og heilbrigði“.

Náttúrufræðistofnun Íslands hefur hlúð að fálka sem fangaður var í Vatnsdal fyrr í vikunni. Fuglinn var særður og gat ekki flogið og við skoðun kom í ljós að hann hafði orðið fyrir haglaskoti. Hann hefur nú verið fluttur í Fjölskyldu- og húsdýragarðinum til frekari aðhlynningar

Hrafnaþing Náttúrufræðistofnunar Íslands verður haldið miðvikudaginn, 14. febrúar kl. 15:15–16:00. Tómas J. Knútsson formaður umhverfissamtakanna Bláa hersins flytur erindið „Blái herinn“.

Nýr umhverfis- og auðlindaráðherra, Guðmundur Ingi Guðbrandsson, heimsótti Náttúrufræðistofnun Íslands síðastliðinn föstudag í þeim tilgangi að kynna sér hlutverk og starfsemi stofnunarinnar og hitta starfsfólk. Með ráðherra í för voru aðstoðarmenn hans, ráðuneytisstjóri, skrifstofustjóri skrifstofu landgæða hjá ráðuneytinu og upplýsingafulltrúi.

Tilnefning Íslands um að Vatnajökulsþjóðgarður og hluti gosbeltisins verði tekinn inn á heimsminjaskrá Sameinuðu þjóðanna hefur verið afhent á skrifstofu UNESCO í París. Í tilnefningunni er áhersla lögð á rekbeltið, heita reitinn undir landinu og eldstöðvakerfi í gosbeltunum ásamt samspili elds og íss sem einstakt er talið á heimsvísu.

Örninn sem fangaður var í Miðfirði síðastliðna helgi var sleppt þar í morgun. Hann hefur undanfarna daga verið í aðhlynningu hjá Náttúrufræðistofnun Íslands.

Í tilefni af alþjóðlegum degi votlendis, sem er 2. febrúar, boðar Náttúrufræðistofnun Íslands, í samvinnu við Landgræðsluna og Fuglavernd, til Hrafnaþings miðvikudaginn 31. janúar þar sem Sunna Áskelsdóttir héraðsfulltrúi Landgræðslu ríkisins á Hvanneyri fjallar um endurheimt votlendis.

Náttúrufræðistofnun Íslands hefur lokið við að meta stærð íslenska refastofnsins til ársins 2015. Samkvæmt því var fjöldi refa haustið 2015 að lágmarki 7.000 dýr. Niðurstöðurnar styðja eldra mat frá árinu 2014 sem sýndi fram á mikla fækkun í stofninum eftir 2008.