Þórsmerkurrani 3. júní 2010, öskufall. © Kristján Jónasson
Fréttir

Skógarkerfill - Norðmenn farnir að sporna gegn útbreiðslu hans

13.7.2010

Skógarkerfill hefur víða breiðst út á Íslandi á undanförnum árum. Fram undir 2005 kvað mest að honum í Eyjafirði og á höfuðborgarsvæðinu en nú er hann einnig orðinn allútbreiddur á Suðurlandi og á Vestfjörðum. Kerfillinn skýtur stöðugt upp kollinum á nýjum stöðum og er tekinn að setja svip á gróðurfar. Það er ekki bara á Íslandi sem skógarkerfillinn veldur áhyggjum hvað varðar aukna útbreiðslu, heldur einnig m.a. í Noregi, en þar í landi er verið að hefja rannsóknir á tegundinni með það að markmiði að reyna að hemja útbreiðslu hennar.

SHM_skogarkerfill_mogilsa_2007
Í Esjuhlíðum myndar skógarkerfill fannhvíta fláka þar sem áður voru græn tún og bláar breiður af lúpínu. Ljósm. Sigurður H. Magnússon, 26. júní 2007.

Nánar má lesa um skógarkerfil á vef Náttúrufræðistofnunar, í Plöntuvefsjá stofnunarinnar og í nýútkominni skýrslu sem Náttúrufræðistofnun og Landgræðsla ríkisins gerðu fyrir umhverfisráðherra.

Grein um skógarkerfilinn birtist í Aftenposten 5. júlí sl.



Senda grein



Útlit síðu: