Náttúrufræðistofnun Íslands - Fréttir

Vefsíðan Flóra Íslands endurbyggð

Fri, 10 Feb 2012 13:54:00 +0000

Vefsíðan Flóra Íslands hefur nú verið endurbyggð og var opnuð í nýjum búningi 7. febrúar sl. Á vefsíðunni er að finna upplýsingar og myndir af fjölda tegunda villtra íslenskra plantna.

Stærsta spendýr jarðar á Hrafnaþingi

Tue, 31 Jan 2012 13:31:00 +0000

Þorvaldur Þór Björnsson hamskeri á Náttúrufræðistofnun Íslands flytur erindi sitt um hvalabeinagrindur og steypireyði sem rak á land á Skaga síðsumars árið 2010 á Hrafnaþingi miðvikudaginn 1. febrúar.

Bók um stofnvistfræði fálkans

Tue, 17 Jan 2012 16:02:00 +0000

Fyrir um ári síðan var haldin alþjóðleg ráðstefna um fálka og rjúpur í borginni Boise í Idaho í Bandaríkjum Norður-Ameríku. Tilgangurinn var að fjalla um tengsl fálka og rjúpu og hvers vænta má um hlutskipti tegundanna í ljósi loftslags- og gróðurfarsbreytinga á norðurhjara, þar sem þessar tegundir eiga sín óðul.

Stjörnuskoðun á Hrafnaþingi

Tue, 17 Jan 2012 13:37:00 +0000

Sverrir Guðmundsson, ritari Stjörnuskoðunarfélags Seltjarnarness og stjörnufræðikennari, flytur erindi sitt Stjörnuskoðun að vori á Hrafnaþingi miðvikudaginn 18. janúar.

Náttúrufræðistofnun auglýsir tvö störf laus til umsóknar

Wed, 11 Jan 2012 14:25:00 +0000

Náttúrufræðistofnun Íslands óskar eftir að ráða starfsmenn í tvær lausar stöður á Akureyri og í Garðabæ.

Kadmíum í mosa á Íslandi

Fri, 6 Jan 2012 11:31:00 +0000

Hér á landi og á meginlandi Evrópu hefur um skeið verið fylgst með magni nokkurra þungmálma í andrúmslofti með mælingum á styrk þeirra í mosa. Mælingarnar í Evrópu hófust upp úr 1980 en hér á landi var mosum safnað í fyrsta sinn árið 1990. Tilgangur verkefnisins er m.a. að fylgjast með þungmálmamengun og finna helstu uppsprettur hennar.

Jólakveðja frá Náttúrufræðistofnun Íslands

Thu, 22 Dec 2011 12:20:00 +0000

N/A

Sextugasta vetrarfuglatalningin

Thu, 15 Dec 2011 13:30:00 +0000

Hin árlega vetrarfuglatalning Náttúrufræðistofnunar Íslands fer fram helgina 7.- 8. janúar n.k. Markmið vetrarfuglatalninga er að kanna hvaða fuglategundir dvelja hér að vetrarlagi, meta hversu algengir fuglarnir eru og í hvaða landshlutum þeir halda sig. Eins nýtast upplýsingarnar til að fylgjast með langtímabreytingum á stofnum margra fuglategunda.

Farleiðir og vetrarstöðvar íslensku skrofunnar á Hrafnaþingi í dag

Wed, 30 Nov 2011 10:48:00 +0000

Yann Kolbeinsson líffræðingur hjá Náttúrustofu Norðausturlands flytur erindi sitt um farleiðir og vetrarstöðvar íslensku skrofunnar á Hrafnaþingi í dag, miðvikudaginn 30. nóvember, kl. 15:15.

Fuglamerkingar á Íslandi í 90 ár - fræðslufundur Fuglaverndar

Tue, 29 Nov 2011 11:48:00 +0000

Guðmundur A. Guðmundsson dýravistfræðingur á Náttúrufræðistofnun Íslands og umsjónarmaður fuglamerkinga flytur erindi sitt Fuglamerkingar á Íslandi í 90 ár á fræðslufundi Fuglaverndar í dag, þriðjudaginn 29. nóvember. Fjallað verður um sögu fuglamerkinga á Íslandi og sýnd dæmi um niðurstöður þeirra.

Acta Botanica Islandica nr. 15 er komin út

Tue, 22 Nov 2011 15:43:00 +0000

Acta Botanica Islandica er tímarit sem helgað er íslenskri grasafræði og gefið út af Náttúrufræðistofnun Íslands. Í heftinu sem nú kemur út og telur 84 blaðsíður eru greinar um þörunga, sveppi á taði, svepp á dauðri gulvíðigrein, fléttuháða sveppi og vorblóm, auk þess sem þar er að finna yfirlit yfir rannsóknir Ivka M. Munda á íslenskum þörungum.

Náttúrufræðistofnun auglýsir eftir hús- og tækjaverði

Thu, 17 Nov 2011 10:59:00 +0000

Náttúrufræðistofnun Íslands óskar eftir að ráða hús- og tækjavörð á starfsstöð sína í Garðabæ. Einnig er laus til umsóknar staða flokkunarfræðings á Akureyrarsetur stofnunarinnar.

Hrafna-Flóki og félagar á Hvaleyri í Hafnarfirði

Wed, 9 Nov 2011 17:07:00 +0000

Náttúrufræðistofnun Íslands fékk í dag höfðinglega gjöf frá Sigurði Sigurðarsyni frá Vatnsdal í Vestmannaeyjum, búsettum í Hafnarfirði. Um er að ræða útskorið trélistaverk sem kallast Fantasía um komu Hrafna-Flóka Vilgerðarsonar og félaga á Hvaleyri sumarið 870.

Aldurshlutföll rjúpu á veiðitíma 2011

Wed, 2 Nov 2011 22:38:00 +0000

Náttúrufræðistofnun hvetur rjúpnaskyttur til að klippa annan vænginn af rjúpum sem þær veiða og senda stofnuninni. Af vængjunum má ráða hvort um er að ræða fugl á fyrsta ári eða eldri fugl. Fuglum af sama veiðisvæði eða úr sömu sveit þarf að halda saman í poka þannig að hægt sé að sundurgreina sýnin eftir landshlutum.

Blávatn á Hrafnaþingi

Mon, 31 Oct 2011 12:11:00 +0000

Hilmar Malmquist, líffræðingur og forstöðumaður Náttúrufræðistofu Kópavogs, flytur erindi um Blávatn, nýjasta vatn landsins, á Hrafnaþingi miðvikudaginn 2. nóvember.

Fylgifiskar innfluttra pottaplantna

Tue, 25 Oct 2011 15:18:00 +0000

Af og til hefur skordýrafræðingur Náttúrufræðistofnunar Íslands bent á að innflutningur pottaplantna til landsins er ekki án áhættu fyrir lífríki náttúrunnar okkar. Þó ekki hafi farið fram sérstakar rannsóknir þessu tengdar þá liggja fyrir staðreyndir sem sýna að á þennan hátt berast til landsins smádýr ýmiss konar og sitthvað annað smátt sem lífsanda dregur. Nýlegt dæmi er sláandi.

Garðaklaufhali styrkir stöðu sína

Mon, 24 Oct 2011 09:57:00 +0000

Ýmsum nýjum landnemum úr ríki smádýranna vegnar vel hér hjá okkur um þessar mundir. Einn þeirra er garðaklaufhalinn sem hafði verið reglulegur laumufarþegi með varningi til landsins þar til breyttar og hagstæðari aðstæður gerðu honum kleift að nema hér land og festa sig í sessi. Undanfarið hefur hann gert ærlega vart við sig í Hafnarfirði.

Niðurstöður frjómælinga 2011

Wed, 19 Oct 2011 13:48:00 +0000

Niðurstöður frjómælinga árið 2011 hafa verið birtar á vef Náttúrufræðistofnunar Íslands. Aldrei hafa verið fleiri frjókorn í lofti yfir Reykjavík en í ár og á Akureyri mældust þau yfir meðallagi.

Verndun jarðminja á Hrafnaþingi

Mon, 17 Oct 2011 21:08:00 +0000

Sigmundur Einarsson, jarðfræðingur á Náttúrufræðistofnun, mun flytja erindi um verndun jarðminja á Hrafnaþingi miðvikudaginn 19. október.

Náttúrufræðistofnun auglýsir fjögur störf laus til umsóknar

Fri, 7 Oct 2011 12:05:00 +0000

Náttúrufræðistofnun Íslands óskar eftir að ráða starfsmenn í fjórar lausar stöður. Um er að ræða þrjár stöður sem tengjast kortlagningu vistgerða á landi, í ferskvatni og fjörum á Íslandi og mati á fuglastofnum og helstu búsvæðum þeirra. Einnig er laus staða flokkunarfræðings á Akureyrarsetri stofnunarinnar.

Íslenskir Fuglar eftir Benedikt Gröndal

Thu, 6 Oct 2011 13:44:00 +0000

Í dag, fimmtudaginn 6. október kemur út bókin Íslenskir fuglar eftir Benedikt Gröndal Sveinbjarnarson (1826–1907). Bókin er eitt af helstu verkum Benedikts en hefur verið nánast óþekkt, jafnt meðal almennings sem fræðimanna, og er nú gefin út í fyrsta sinn. Í henni er birt heildaryfirlit yfir alla fugla sem sést höfðu á Íslandi svo vitað væri fram til ársins 1900 og teiknar Benedikt myndir af þeim öllum, lýsir þeim og segir frá því helsta sem um þá var vitað.

Rjúpnaveiði minnki frá því í fyrra

Wed, 5 Oct 2011 15:00:00 +0000

Umhverfisráðherra hefur fallist á ráðleggingar Náttúrufræðistofnunar um ráðlagða rjúpnaveiði árið 2011 upp á 31.000 fugla. Þetta eru ríflega helmingi færri fuglar en árið 2010, sem skýrist af verri stöðu rjúpnastofnsins. Með því að deila ráðlagðri veiði á fjölda skráðra rjúpnaveiðimanna undanfarin ár má þannig gera ráð fyrir um 6 rjúpum á hvern veiðimann.

Efnistaka og efnistökumöguleikar í Eyjafirði

Mon, 3 Oct 2011 12:47:00 +0000

Töluverðir framtíðarmöguleikar eru á töku byggingarefnis á Eyjafjarðarsvæðinu. Þá er efnistaka hugsanleg á sjávarbotni í firðinum en frekari jarðfræðirannsóknir eru nauðsynlegar áður en hægt er að skera úr um hvort þeir möguleikar séu raunhæfir. Þetta kemur fram í nýlegri skýrslu Náttúrufræðistofnunar um efnisnám og efnistökumöguleika á Eyjarfjarðarsvæðinu sem unnin var fyrir Samvinnunefnd um Svæðisskipulag Eyjafjarðar. Í skýrslunni er yfirlit um helstu efnistökumöguleika í sveitarfélögum á svæðinu, rætt um gerð og gæði efnis í hinum ýmsu jarðmyndunum og bent á þá þætti sem takmarkað gætu efnisnám.

Hrafnaþing hefst að nýju

Fri, 30 Sep 2011 12:30:00 +0000

Dagskrá Hrafnaþings á haustmisseri hefur nú verið birt á vef stofnunarinnar. Erindin í vetur verða fjölbreytt og úr ýmsum sérgreinum innan náttúrufræðinnar.

Sveppir alls staðar á Vísindavöku

Mon, 26 Sep 2011 15:34:00 +0000

Það var gestkvæmt á sýningarbás Náttúrufræðistofnunar Íslands á Vísindavöku Rannís sem haldin var 23. september síðastliðinn. Yfirskrift sýningarinnar var Sveppir alls staðar. Þar voru veggspjöld með upplýsingum um sveppi, eiginleika þeirra og lífsstíl auk þess sem fræðast mátti um matsveppi. Hægt var að skoða ýmsa sveppi á staðnum, stóra sem smáa.

Náttúrufræðistofnun tekur þátt í Vísindavöku

Wed, 21 Sep 2011 11:34:00 +0000

Náttúrufræðistofnun Íslands tekur í sjötta sinn þátt í Vísindavöku Rannís sem verður haldin næstkomandi föstudag, 23. september, í Háskólabíói. Yfirskrift sýningarinnar er Sveppir alls staðar og þar verður kynning á sveppum, eiginleikum þeirra og lífstíl auk þess sem matsveppum verður gefin sérstök athygli.

Folafluga, nýlegur landnemi, á góðri siglingu

Mon, 19 Sep 2011 11:50:00 +0000

Um aldamótin síðustu kom í ljós að stór tegund hrossaflugu hafði sest að í Hveragerði, mun stærri en þær hinar sem allir þekkja. Tegundin, Tipula paludosa, fékk heitið folafluga. Hún breiddist fljótlega út í Ölfusinu og hafði borist vestur yfir Hellisheiði til Kollafjarðar árið 2005. Hún hefur nú hafið innreið sína á höfuðborgarsvæðið, illu heilli, því hér er nokkur skaðvaldur á ferð.

Til hamingju með daginn!

Fri, 16 Sep 2011 16:15:00 +0000

Alla daga ársins eru sérfræðingar Náttúrufræðistofnunar Íslands að rannsaka og skoða náttúru Íslands og því er það stofnuninni fagnaðarefni að geta nú, ásamt landsmönnum öllum, haldið sérstaklega upp á „Dag íslenskrar náttúru“ í fyrsta skipti.

Dagur íslenskrar náttúru á Náttúrufræðistofnun

Wed, 14 Sep 2011 13:18:00 +0000

Í fyrra ákvað ríkisstjórn Íslands að tileinka íslenskri náttúru sérstakan heiðursdag til að undirstrika mikilvægi hennar. Dagurinn sem valinn var er 16. september, fæðingardagur Ómars Ragnarssonar, en sem frétta- og þáttagerðarmaður hefur hann verið óþreytandi við að opna augu almennings fyrir þeim auðæfum sem felast í náttúru landsins og mikilvægi þess að vernda hana og varðveita.

Veiðiþol rjúpnastofnsins 2011

Mon, 12 Sep 2011 14:56:00 +0000

Náttúrufræðistofnun Íslands hefur metið veiðiþol rjúpnastofnsins haustið 2011. Forsendur matsins byggja á þeirri stefnu stjórnvalda að rjúpnaveiðar skuli vera sjálfbærar í þeim skilningi að stofninn nái að sveiflast á milli lágmarks- og hámarksára innan þeirra marka sem náttúruleg skilyrði setja honum hverju sinni. Rjúpnastofninn er í niðursveiflu um land allt. Við þetta bætist að í sumum landshlutum var viðkomubrestur þannig að fækkunin á milli ára rétt fyrir upphaf veiðitíma 2011 er meiri en við var að búast miðað við fall í varpstofni. Fækkun í varpstofni er í takti við náttúrulegar stofnsveiflur rjúpunnar. Miðað við fyrri stofnsveiflur munu næstu ár einkennast af vaxandi rjúpnaþurrð og næsta lágmark verður á árabilinu 2015 til 2018 og næsta hámark 2020 til 2022. Verði mikil afföll reglan á næstu árum er ekki við því að búast að uppsveiflan í lok þessa áratugar verði veruleg.