Sveppir
Árið 2001 voru sveppir taldir um 80.000 tegundir þar af tæplega 2.000 tegundir sem ekki tilheyra sjálfu svepparíkinu, þ.e. 960 tegundir í ríki frumdýra (Protista) og 889 í ríki litvera (Chromista). Af þessum 80.000 tegundum eru um 13.500 fléttur. Á hverju ári finnast nýjar sveppategundir en líklegt þykir að í heiminum séu nálægt 1,5 milljón tegundir sveppa og því mikið verk framundan við að lýsa þeim og skrásetja.
Á Íslandi hafa fundist og verið skrásettar um 2.100 tegundir sveppa en þá eru fléttur ekki taldar með. Á Náttúrufræðistofnun er safnað upplýsingum um íslenska sveppi og því sem skrifað hefur verið um þá og það notað við gerð lista yfir þær tegundir sem hér hafa fundist.
Svepparíkið skiptist í 5 fylkingar:
- kytrusveppir (Chytridiomycota)
- oksveppir (Zygomycota)
- sveppir sem mynda innræna svepprót með plöntum (Glomeromycota)
- asksveppir (Ascomycota)
- kólfsveppir (Basidiomycota)
Þar að auki eru vankynssveppir (anamorphic eða mitosporic fungi) sem stunda kynlausa æxlun og eru flestir í raun asksveppir en mun færri kólfsveppir.
Meira um sveppi:
- Flokkunarkerfi sveppa og íslenskar svepparannsóknir
- Sveppasafn Náttúrufræðistofnunar
- Fróðleikur um sveppi
- Hvað er títt af sveppum? Erindi á Hrafnaþingi 14. janúar 2004.
Guðríður Gyða Eyjólfsdóttir er umsjónarmaður svepparannsókna á Náttúrufræðistofnun.