Flokkunarfræði plantna

Það flokkunarkerfi plantna og sveppa sem hér er sýnt byggir á ITIS kerfinu (Integrated Taxonomic Information System). Gert er ráð fyrir að lífheimurinn skiptist í fimm ríki, þ.e. bakteríur (bacteria), frumdýr (protista), vefdýr (animalia), sveppi (fungi) og plöntur (plantae). Samkvæmt þessu er hið hefðbundna „plönturíki“ ekki náttúrleg eining heldur blanda hópa sem allir hafa það sammerkt að geta ljóstillífað. Hér fyrir neðan er gerð grein fyrir fylkingum plantna og sveppa. Æðplöntur teljast undirríki innan plönturíkisins en einkímblöðungar og tvíkímblöðungar eru flokkar innan fylkingar dulfrævinga. Nýlegar niðurstöður sameindafræðilegra rannsókna á þróunarsögu lífheimsins benda til að hann skiptist enn frekar eða í átta ríki alls. Samkvæmt því kerfi samanstendur plönturíkið af fylkingum grænþörunga, kransþörunga, soppmosa, hornmosa, baukmosa, jafna, elftinga, burkna, berfrævinga og dulfrævinga. Hinar ýmsu þörungafylkingar lenda hinsvegar í tveimur öðrum ríkjum, flestar í ríki „litvera“ (Chromista) en aðrar svo sem dílþörungar í ríki frumdýra.

Plöntur - Plantae

     Hornmosar – Anthocerotophyta

     Baukmosar – Bryophyta

     Soppmosar – Hepatophyta

     Kransþörungar – Charophyta

     Grænþörungar – Chlorophyta

     Gullþörungar – Chrysophyta

     Dílþörungar – Euglenophyta

     Haftþörungar – Haptophyta

     Brúnþörungar – Phaeophyta

     Skoruþörungar – Phyrrophycophyta

     Rauðþörungar – Rhodophyta

     Gulþörungar – Xanthophyta

     Kísilþörungar – Bacillariophyta

Æðplöntur – Tracheobionta

     Elftingar – Equisetophyta

     Jafnar – Lycopodiophyta

     Burknar – Pteridophyta

     Berfrævingar – Coniferophyta

     Dulfrævingar – Magnoliophyta

        Einkímblöðungar – Liliopsida

        Tvíkímblöðungar - Magnoliopsida

Sveppir – Fungi

     Kytrusveppir – Chytridiomycota

     Oksveppir – Zygomycota

     Asksveppir – Ascomycota

     Kólfsveppir - Basidiomycota