30.4.2010

Á Akureyri hefur til þessa aðeins eitt elrifrjó mælst. Í Reykjavík voru víðifrjó komin í loftið 17. apríl og örfá asparfrjó mældust daginn eftir. Einnig hafa lyngfrjó mælst. Spáð er hlýnandi veðri í næstu viku og þá verður gróður fljótur að taka við sér. Enn eru þó a.m.k. tvær vikur í að birkið blómstri sunnanlands.

Íslendingar sem eru með birkiofnæmi og á leið til Norðurlanda ættu hins vegar að taka með lyfin því þar eru birkifrjó í hámarki um þessar mundir. Frjótölur óvenjuháar í Kaupmannahöfn, suður Svíþjóð og suður Noregi.