7. maí 2010

Í Reykjavík mældust 30 frjókorn í síðari hluta apríl, mest var um víðifrjó en þau reyndust alls 18. Frjótölur í Reykjavík hafa verið lágar það sem af er vikunni. Víðifrjó hafa mælst hvern dag en lyngfrjó og asparfrjó stopulla. Í þokusúldinni sleppa fá frjókorn út í loftið.

Aðeins tvö frjókorn mældust í kuldanum í apríllok á Akureyri, það voru frjó frá elri og víði. Fyrstu þrjá daga maímánaðar hafa lyngfrjó verið í loftinu fyrir norðan. Spáð er hlýindum fram yfir helgi en síðan á kólna, þá hægir á þroska gróðurs og frjókornum mun fækka á nýjan leik.