Svæði og aðferðir

Rannsóknirnar fóru annars vegar fram á Fljótsdalshéraði á Austurlandi og hins vegar í Skorradal og Litla-Skarði á Vesturlandi. Á hverju svæði voru valdir misgamlir skógarteigar og mólendi til samanburðar.

Á Austurlandi voru valdir 8 mæliteigar og 11 á Vesturlandi. Innan hvers mæliteigs voru lagðir út 5 reitir (50 x 2 m) þar sem mælingar á botngróðri, smádýrum og skuggun voru gerðar. Gróðurmælingar fóru fram í 10 smáreitum (33 x 100 cm) innan hvers mælireits. Sömu smáreitir voru nýttir við söfnun smádýra. Fjórar fallgildrur voru settar í smáreiti til að veiða dýr af yfirborði. Einnig voru teknir 2 borkjarnar í hverjum mælireit til að safna jarðvegsdýrum. Til að mæla skuggun voru gerðar mælingar á 2 metra millibili í mælireitum með sérhönnuðu tæki.

Fuglarannsóknirnar spönnuðu mun stærri svæði en aðrir þættir þessa verkefnis þar sem stór landsvæði þurfti til að koma öllum talningastöðunum fyrir.

Innan verkefnisins hafa einnig farið fram skógvaxtarmælingar og mælingar á hringrás efna en þó aðallega kolefnishringrás.

Mæliteigar á Austurlandi

Mæliteigar á Vesturlandi

• Gróður
• Smádýralíf
• Fuglalíf
• Útgefið efni