Ágengar innfluttar plöntur

Lúpínublóm. Ljósm. Borgþór Magnússon.

Alþekkt er að plöntu- og dýrategundir sem fluttar eru í ný heimkynni til ræktunar eða annarra nota geta tekið að breiðast út eða sloppið úr haldi og valdið tjóni á villtri náttúru eða ræktarlandi. Aukin útbreiðsla framandi tegunda er talin ein helsta ógn við líffræðilega fjölbreytni í heiminum næst á eftir eyðileggingu búsvæða.

Að frumkvæði umhverfisráðherra tók til starfa stýrihópur á árinu 2009 sem hefur það hlutverk að finna leiðir til að draga úr neikvæðum áhrifum alaskalúpínu og skógarkerfils á náttúru Íslands. Stýrihópurinn er skipaður sérfræðingum á Náttúrufræðistofnun Íslands og Landgræðslu ríkisins. Lögð er áhersla á miðhálendið og friðlýst svæði. Sjá vefinn Ágengar tegundir

Til þess að draga úr eða koma í veg fyrir tjón af völdum ágengra tegunda var komið á fót samstarfsverkefni þjóða í Norður-Evrópu (NOBANIS). Náttúrufræðistofnun Íslands hefur tekið þátt í verkefninu fyrir Íslands hönd.

Á undanförnum árum hefur orðið vart aukinnar útbreiðslu og jafnvel sprengingar í útbreiðslu nokkurra plöntutegunda, einkum alaskalúpínu, og skógarkerfils en einnig má að risahvannir geta orðið varasamar.

Samantekt (á ensku) um vistfræði lúpínu af vefsvæði NOBANIS verkefnisins. Höf: Borgþór Magnússon.