Grasafræði

Wed, 26 Apr 2006 11:10:58 +0000

Grasafræði snýst um rannsóknir á plöntum í víðum skilningi. Til plantna í víðum skilningi teljast rauðþörungar, brúnþörungar, sveppir og eiginlegar plöntur, þ.e. grænþörungar, mosar, byrkningar og blómplöntur. Eitt meginhlutverka Náttúrufræðistofnunar Íslands er skráning á náttúru Íslands, þ.e. þeim lífverum er hér vaxa, útbreiðslu þeirra og vistfræði. Til að sinna þessu hlutverki stunda grasafræðingar stofnunarinnar rannsóknir á flokkunarfræði og vistfræði íslenskra plantna.