Bókasafn Náttúrufræðistofnunar Íslands

Bókasafn Náttúrufræðistofnunar Íslands er sérfræðisafn á sviði náttúruvísinda, með höfuðáherslu á náttúru Íslands. Bókasafnið er í tvennu lagi, í Garðabæ og á Akureyri. Tilgangur bókasafnsins er annars vegar að þjóna starfsfólki stofnunarinnar og hins vegar að koma upp aðgengilegu safni heimilda um náttúru Íslands. Það er einnig opið almenningi, sem getur notað bækur og tímarit á staðnum, en útlán eru ekki leyfð nema í undantekningartilfellum. Ljósritunaraðstaða er á staðnum. Anna Sveinsdóttir bókasafns- og upplýsingafræðingur sér um daglegan rekstur safnsins sem opið er eftir samkomulagi.

Bókasafnið telur um 12.000 bókatitla og 450 tímarit og ritraðir berast reglulega. Einnig er að finna í safninu 35.000 sérprentanir með helstu ritgerðum um íslenska fugla, jarðfræði Íslands og grasafræði, einnig 2.500 kort.

Vinsamlega sendið allar beiðnir á netfangið bokasafn hjá ni.is.

Skrá um öll tímarit stofnunarinnar er að finna í Gegni, landskerfi íslenskra bókasafna, og nánast allur bókakosturinn er skráður í Gegni.

Leitir.is er leitarvefur sem leitar samtímis í Gegni, tengdu stafrænu íslensku efni ásamt erlendum áskriftum að stafrænu vísindaefni í Landsaðgangi, hvar.is.