Rjúpan og viðkoma fálkans

12. mars 2003

Rjúpa í sumarbúningi. Ljósm. Erling Ólafsson.

Rjúpan er aðalfæða fálkans og á þeim tíma árs þegar hann er að undirbúa varp og á meðan á varpi og álegu stendur, þ.e. frá síðari hluta mars og fram í lok maí, étur hann fátt annað en rjúpu. Íslenski rjúpnastofninn er mjög breytilegur að stærð og munur á rjúpnafjölda í hámarks- og lágmarksári getur verið 5-10-faldur. Í erindinu verður fjallað um hvaða áhrif breytingar á fæðuframboði hafa á varpafkomu fálka, þ.e. þætti eins og hversu stór hluti óðalsbundinna fálka tekur þátt í varpi, hvenær vors þeir verpa, fjölda eggja í hreiðri og hversu margir ungar komast upp.

Fyrirlesturinn byggir á rannsóknum á fálka og rjúpu á Norðausturlandi 1981-2002.

Fálkaungar í hreiðri. Ljósm. Ólafur Hrafn Nielsen.	Fálkaklettur rauðlitaður af fuglaskóf sem sýnir búsetu fálkans í árhundruð eða þúsund. Hvíti bletturinn er drit í náttbóli uppi í bjarginu. Ljósm. Ólafur Karl Nielsen.