Fræðimenn og fólkið

Vísindavaka RANNÍS 2006

Náttúrufræðistofnun Íslands tók þátt í Vísindavöku sem Rannsóknamiðstöð Íslands (RANNÍS) stóð fyrir 22. september 2006. Þar voru kynntar geitungarannsóknir sem fram fara á stofnuninni og vakti kynningin mikla athygli gesta.

Vísindamaður að láni

Vísindamaður að láni er samvinnuverkefni RANNÍS og rannsóknastofnana. Í því felst að stofnanirnar lána sérfræðinga sína til grunnskóla til að kynna nemendum þeirra viðfangsefni sín. Sérfræðingarnir heimsækja skólana eftir pöntunum frá kennurum. Skólaárið 2006-07 býður Náttúrufræðistofnun Íslands upp á sex fræðsluefni af þessu tagi.

Heimsóknir skóla og leikskóla til NÍ

Nokkuð er um að kennarar óski eftir að koma með hópa skólanema og leikskólabarna til að kynnast Náttúrufræðistofnun að tjaldabaki. Starfsfólk tekur þá á móti hópunum og reynir að verða við óskum þeirra, kynna starfsemina, sýna náttúrugripi í vísindasöfnunum og tól og tæki. Öll skólastig koma hér við sögu, allt frá leikskóla til háskóla.

• Leikskólinn Sæborg - Spiderman hópurinn (7. apríl 2005)

Þemadagur um Surtsey í Háskóli unga fólksins 2007

Þegar grunnskólum lýkur á vorin býður Háskóli Íslands nemum á aldrinum 12-16 ára upp á fræðslu í sumarskóla sem nefnist Háskóli unga fólksins. Skólinn er fyrst og fremst hugsaður sem leið til að kynna unglingum ólíkar fræðigreinar og opna þeim dyr háskólans í kynningarskini. Háskóli unga fólksins var vikuna 11.-15. júní og að þessu sinni tóku þátt tveir sérfræðingar á Náttúrufræðistofnun Íslands og voru með þemadag um Surtsey.