Fjölrit 41.
Komið er út 41. fjölrit Náttúrufræðistofnunar Íslands: Íslenskir mosar, lápmosaætt, kólfmosaætt og væskilmosaætt, eftir Bergþór Jóhannsson.
Fjölritið er hið 19. í ritröð Bergþórs um íslensku mosaflóruna, en áður hefur hann fjallað um ættir barnamosa, sótmosa, haddmosa, slæðumosa, bólmosa, taðmosa, hettumosa, krónumosa, næfurmosa, tæfilmosa, brámosa, skottmosa, hnotmosa, brúskmosa, vendilmosa, sverðmosa, fjöðurmosa, bikarmosa, grýtumosa, klukkumosa, dægurmosa, skeggmosa, skænumosa, kollmosa, snoppumosa, perlumosa, hnappmosa, toppmosa, hnokkmosa, röðulmosa, tildurmosa, glitmosa, faxmosa, fossmosa, ármosa, flosmosa, leskjumosa, voðmosa, rjúpumosa, lokkmosa, rytjumosa, hornmosa og soppmosa.
Í fjölritinu lýsir Bergþór 51 tegund mosa af þessum þremur ættum og birtir kort sem sýna útbreiðslu þeirra á Íslandi. Þá hefur Bergþór gert nákvæmar teikningar af helstu greiningareinkennum hverrar tegundar.