Válisti 2 - fuglar
Náttúrufræðistofnun Íslands gaf út annan hluta íslensks válista: Válista 2 - Fuglar, árið 2000. Í honum er að finna skrá yfir þær tegundir íslenskra fugla, sem eiga undir högg að sækja hér á landi, eru í útrýmingarhættu eða hefur verið útrýmt. Fjallað er um útbreiðslu þessara fugla á landinu, lífshætti, stofnstærð, helstu ógnanir og stöðu á heimsvísu. 32 tegundir af 76 íslenskum varpfuglum eru á válistanum.
Válisti 2 - Fuglar er 104 bls. að stærð, með 38 ljósmyndum, flestum eftir Jóhann Óla Hilmarsson og Hjálmar R. Bárðarson. Válistinn var unninn af Kristni Hauki Skarphéðinssyni og Ævari Petersen fuglafræðingum á Náttúrufræðistofnun Íslands.
Hægt er að panta válistann með því að senda tölvupóst á bokasafn@ni.is en hann er einnig til sölu á skrifstofum Nátttúrufræðistofnunar í Reykjavík og á Akureyri og kostar 1400 krónur.
Fuglar á válista, flokkun þeirra og forsendur Fyrirvari: Válisti 2–Fuglar kom út árið 2000. Síðan þá hafa margvíslegar upplýsingar bæst við um útbreiðslu og stöðu einstakra fuglategunda. Jafnframt hefur IUCN breytt lítillega forsendum hættuflokkunar frá því sem var þegar Válisti 2–Fuglar var unninn.
Fuglar á válista, flokkun þeirra og forsendur