Laukbobbi - Oxychilus alliarius (Miller, 1822)

Fylking: Mollusca Flokkur: Gastropoda Ættbálkur: Pulmonata Ætt: Oxychilidae

Laukbobbi, 6 mm. EÓ©[Smellið á mynd til að stækka]

Útbreiðsla
NV-Evrópa norður til sunnanverðrar Skandinavíu, austur til Póllands og sennilega suður til Frakklands; Bretlandseyjar.

Ísland
Fundinn á láglendi um land allt, allvíða á landinu sunnanverðu en strjált norðan til.

Lífshættir
Erlendis finnst laukbobbinn í skóglendi og graslendi, oft í miklum fjölda á súrum jarðvegi. Hérlendis er hann algengastur í manngerðu umhverfi, í húsagörðum, kringum gróðurhús o.s.frv., í laufi á jörðinni, undir steinum, spýtum og öðru lauslegu.

Almennt
Þó laukbobbi hafi fundist allvíða telst hann varla algengur. Hann er einn nokkurra náskyldra og nauðalíkra tegunda með brúnleitan, gljáandi, flatan og snúðlaga kuðung. Snigillinn sjálfur er nær svartur á lit. Lifandi laukbobbar eru auðgreindir á því að þeir gefa frá sér lauklykt við áreiti. Af því dregur hann heiti sín, bæði fræðiheitið og hið íslenska.

Heimildir

Árni Einarsson 1977. Íslenskir landkuðungar. Náttúrufræðingurinn 47: 65–128.

Mandahl-Barth, G. 1938. Land and Freshwater Mollusca. Zoology of Iceland IV, Part 65. Munksgaard, Kaupmannahöfn. 31 bls.

Pfleger, V. & J. Chatfield 1988. A Guide to Snails of Britain and Europe. Hamlyn, England. 216 bls.

©Erling Ólafsson, 6. janúar 2010.

Allir sniglar | Allar pöddur | Íslenska fánan