Evrópusamstarf um gerð vísa til að meta líffræðilega fjölbreytni álfunnar

Wed, 26 Apr 2006 02:32:18 +0000

Umhverfisstofnun Evrópu vinnur nú að því að móta nokkra lífríkisvísa (e: biodiversity indicators) til þess unnt sé að gera grein fyrir stöðu líffræðilegrar fjölbreytni í álfunni og einstökum löndum hennar. Þessi vinna tengist alþjóðlegu markmiði sem samþykkt var á heimsþingi Sameinuðu þjóðanna um sjálfbæra þróun í Jóhannesarborg árið 2002 og samningurinn um líffræðilega fjölbreytni hefur ítrekað. Samkvæmt því skal eyðing líffræðilegrar fjölbreytni hafa verið stöðvuð á heimsvísu árið 2010 og þar með snúið af braut óheillaþróunar sem ríkt hefur marga undanfarna áratugi. Snorri Baldursson er formaður fyrir sérfræðinganefnd Umhverfisstofnunar Evrópu sem vinnur að gerð vísis til að meta áhrif framandi ágengra tegunda á líffræðilega fjölbreytni en fleiri starfsmenn stofnunarinnar hafa tekið þátt í þessu starfi.

Náttúrufræðistofnun Íslands - Evrópusamstarf um gerð lífríkisvísa

Evrópusamstarf um gerð vísa til að meta líffræðilega fjölbreytni álfunnar