Ráðgjöf og þjónusta

Ráðgjöf

Samkvæmt lögum ber Náttúrufræðistofnun Íslands að leiðbeina um hóflega nýtingu náttúrulegra auðlinda og aðstoða við mat á verndargildi vistkerfa, náttúruminja, áhrifum landnotkunar og mannvirkjagerðar á náttúruna.

Stærstu ráðgjafarverk af þessu tagi eru unnin að beiðni ráðuneyta, orkufyrirtækja, sveitarfélaga og einkaaðila. Markmið þeirra er að afla grunngagna um náttúrufar; gróður, dýralíf og jarðfræði, svo unnt sé að leggja mat á verndargildi vistkerfa og náttúruminja tiltekinna svæða og meta áhrif mannvirkjagerðar og annarrar landnotkunar á náttúruna. Niðurstöður verkefna eru gefnar út í skýrslum til verkkaupa.

Umsjón: Trausti Baldursson

Þjónusta

Meindýr

Stofnunin býður upp á greiningar-og ráðgjafarþjónustu fyrir almenning og meindýraeyða. Tilfallandi sýni eru greind við fyrstu hentugleika og niðurstöður póstsendar viðkomandi ásamt upplýsingum um lifnaðarhætti og skaðsemi dýranna og leiðbeiningum um aðgerðir.

Umsjón: Erling Ólafsson

Sveppir

Sveppafræðingur stofnunarinnar greinir sveppi fyrir fyrirtæki og almenning og tekur stofnunin jafnframt gjarnan við fróðlegum upplýsingum um svepparíki Íslands. Ágætt er að hafa samband áður en sýni er sent svo hægt sé að ákvarða hvort þörf sé á frekari greiningu. Sveppagreining fer fram á Akureyrarsetri.

Umsjón: Guðríður Gyða Eyjólfsdóttir

Plöntur

Sérfræðingar stofnunarinnar taka að sér plöntugreiningar en það sem gjarnan má fylgja slíkum fyrirspurnum er þurrkað eintak plöntunnar og eða ljósmynd ef kostur er auk upplýsinga um fundarstað, búsvæði dagsetning og fleira sem kann að vera vert að nefna í hverju tilviki fyrir sig.

Umsjón: Starri Heiðmarsson