Ferilskrá Erlings Ólafssonar

Menntun

Nám og rannsóknir í flokkunarfræði dýra við Zoologiska institutionen, Lunds Universitet, Svíþjóð frá október 1972 til desember 1977. Lauk doktorsgráðu (Ph.D.) í maí 1991 með vörn ritgerðarinnar: Taxonomic revision of western Palaearctic species of the genera Scatella R.-D. and Lamproscatella Hendel, and studies on their phylogenetic positions within the subfamily Ephydrinae (Diptera, Ephydridae).

Líffræðinám við Háskóla Íslands frá september 1969 til maí 1972. B.S. próf.

Stúdentspróf frá Menntaskólanum í Reykjavík í júní 1969.

Starfsreynsla

Sérfræðingur í skordýrafræði við Náttúrufræðistofnun Íslands frá 1. janúar 1978.

1972–1973: Rannsóknir á smádýrum í Þjórsárverum á vegum Náttúrufræðistofnunar Íslands og Líffræðistofnunar Háskólans.

1970–1971: Rannsóknir á landnámi smádýra og fugla í Surtsey á vegum Surtseyjarfélagsins.

Önnur tengd störf

Menntaskólinn við Sund.
Prófdómari í stúdentsprófum í líffræði frá 1990 til 2003.

Náttúruverndarnefnd / Umhverfisnefnd Hafnarfjarðar.
Fulltrúi Alþýðubandalagsins í Náttúruverndarnefnd 1986–1990.
Fulltrúi Alþýðubandalagsins í Umhverfisnefnd 1994–1998; formaður 1994–1995.
Fulltrúi Fjarðarlista/Samfylkingar í Umhverfisnefnd 1998–2002.

Hið íslenska náttúrufræðifélag.
Í stjórn félagsins 1980–1983, ritari 1980–1981, varaformaður 1981–1983. Afgreiðslumaður félagsins, umsjón með félagatali, innheimtu árgjalda og dreifingu Náttúrufræðingsins frá 1983 til 2006.