Náttúrufræðistofnun ÍslandsBeint í leiðarkerfi vefsins.
Stefnur
Jafnréttisstefna
Stefna Náttúrufræðistofnunar er að gætt skuli fyllsta jafnréttis milli karla og kvenna og að hver starfsmaður sé metinn að eigin verðleikum óháð aldri, kynferði, kynhneigð, kynþætti, þjóðerni, fötlun, trúar- eða stjórnmálaskoðunum. Kynbundin mismunun er óheimil, í hvaða formi sem hún birtist. Jafnréttisstefnan er reist á þessum gildum og tekur mið af lögum nr. 96/2000 um jafna stöðu og jafnan rétt kvenna og karla. Jafnréttisstefna Náttúrufræðistofnunar er hluti af starfsmannastefnu stofnunarinnar.
Samgöngustefna
Markmið samgöngustefnu Náttúrufræðistofnunar er að stuðla að því að starfsfólk noti vistvænan og hagkvæman ferðamáta.
Starfsmannastefna
Markmiðið með starfsmannastefnunni er að Náttúrufræðistofnun hafi alltaf á að skipa hæfum og áhugasömum starfsmönnum sem geta tryggt nauðsynlegt frumkvæði í störfum, veitt góða þjónustu og brugðist við síbreytilegum þörfum stofnunarinnar. Starfsmannastefnan á að tryggja starfsmönnum ákveðin starfsskilyrði og möguleika á að vaxa og dafna í starfi. Leitast skal við að skapa starfsmönnum aðstæður til að samræma starf og fjölskyldulíf.
Umhverfisstefna
Náttúrufræðistofnun Íslands stefnir að því að verða vistvænn vinnustaður í fremstu röð. Til þess að ná því markmiði hefur stofnunin mótað sér umhverfisstefnu. Í henni er lögð áhersla á að sjónarmið umhverfisverndar verði höfð að leiðarljósi í rekstri og stjórnun stofnunarinnar. Mikilvægt er að allir starfsmenn séu virkir við framkvæmd umhverfisstefnunnar.
Upplýsingastefna
Upplýsingastefna Náttúrufræðistofnunar er mikilvægur hluti af almennri stefnumótun stofnunarinnar.