Fuglamerki

Náttúrufræðistofnun ber að sjá um fuglamerkingar og hefur ein heimild til að láta merkja villta fugla á Íslandi. Henni ber að tryggja að grunngögn um fuglamerkingar og endurheimtur séu aðgengileg vísindamönnum til frekari rannsókna og flokkuð á samræmdan hátt. (sbr. 4. gr. laga nr. 64/1994). Þar segir einnig að öllum sem finna merkta fugla eða veiða þá sé skylt að skila merkinu til Náttúrufræðistofnunar, Pósthólf 125, 212 Garðabær. Þetta á við hvort sem um er að ræða íslenskt merki eða erlent. Ef finnandi sendir inn merki með upplýsingum um fundinn fær hann sendar til baka upplýsingar um hvar og hvenær fuglinn var merktur.

Allar rannsóknir sem byggja á merkingum fugla og endurheimtum merkjum hvíla á góðu samstarfi við almenning og veiðimenn um skil á merkjum og upplýsingum um fund þeirra.

Nánar um fuglamerkingar og tilkynning um fuglamerki