Randasveifa (Helophilus pendulus)

Randasveifa - Helophilus pendulus
Mynd: Erling Ólafsson

Randasveifa (Helophilus pendulus). 13 mm. ©EÓ

Útbreiðsla

Gjörvöll Evrópa, frá Skandinavíu suður til Miðjarðarhafs, Rússland frá Kólaskaga suður til Krímskaga, austur um Síberíu til Kyrrahafs; Færeyjar.

Ísland: Algeng á láglendi um land allt en fágæt á miðhálendinu þar sem hún hefur fundist í Þjórsárverum og Grágæsadal á Brúaröræfum.

Lífshættir

Randasveifa er algengust í blómlendi við lífríkar tjarnir og díki, í gróðurríkum skurðum með kyrrstæðu vatni og miklu groti. Hún laðast einnig að garðtjörnum með rotnandi laufum og pollum við fjóshauga. Flugurnar sækja í blóm. Lirfurnar alast upp í vatni og nærast á rotnandi plöntuleifum. Randasveifur sjást frá vori til hausts, byrjun maí og fram í október, en mest ber á þeim yfir sumarmánuðina þegar sólar nýtur við.

Almennt

Randasveifa er einkar falleg með gulu og svörtu litmynstri sínu, langröndóttum frambol og flekkóttum afturbol. Af þeim sökum er hún stundum mistekin fyrir geitung, þó litmynstrið sjálft sé fjarri því að vera líkt á þessum fjarskyldu skordýrum.

Randasveifa (Helophilus pendulus) - fundarstaðir samkvæmt eintökum í safni Náttúrufræðistofnunar Íslands
Randasveifa (Helophilus pendulus) - fundarstaðir samkvæmt eintökum í safni Náttúrufræðistofnunar Íslands

Heimildir

Erling Ólafsson 1988. Könnun á smádýrum í Hvannalindum, Fagradal og Grágæsadal. Fjölrit Náttúrufræðistofnunar 5. 86 bls.

Erling Ólafsson 2000. Landliðdýr í Þjórsárverum. Rannsóknir 1972–1973. Fjölrit Náttúrufræðistofnunar 40. 159 bls.

Jensen, J.-K. 2008. Navna og skrásetingarlisti til blómflugurnar Syrphidae í Føroyum. Jens-Kjeld Jensen, sérprent 2008. 3 bls.

Nielsen, P., O. Ringdahl & S.L. Tuxen 1954. Diptera 1 (exclusive of Ceratopogonidae and Chironomidae). Zoology of Iceland III, Part 48a. Munksgaard, Kaupmannahöfn. 189 bls.

Peck, L.V. 1988. Family Syrphidae. Bls. 11–230 í Á. Soós (ritstj.), Catalogue of Palaearctic Diptera 8. Syrphidae – Conopidae. Eslevier, Amsterdam. 363 bls.

Höfundur

Var efnið hjálplegt? Aftur upp

Aftur upp

Thank you!

Hvað má betur fara?

  • Fela
  • |