Sandhólabobbi (Theba pisana)

Útbreiðsla

Upprunninn í Miðjarðarhafslöndum austur til Ísraels og Egyptalands. Hefur breiðst út norður með ströndum Atlantshafs til Belgíu og Hollands og með mönnum til SV- Bretlands og fleiri einangraðra staðir víðar í Evrópu. Hefur auk þess borist með mönnum til annarra heimsálfa og finnst þannig til kominn m.a. í Kaliforníu, á stöðum sunnar í Afríku, í SA-Astralíu og á Tasmaníu.

Ísland: Einn fundarstaður, Reykjavík.

Lífshættir

Í heimahögum finnst sandhólabobbi einkum á þurrum stöðum með ströndum fram einkum á sandhólasvæðum þar sem sniglarnir festa sig á gróðurinn innilokaðir í skel sinni á meðan þurrkar vara. Hann getur þolað nokkuð frost.

Almennt

Sandhólabobbi fannst á heimili í Fellahverfi í Reykjavík 21. júní 2010. Þangað hafði hann að líkindum borist með matvörum úr marvöruverslun við Korputorg. Er það eina staðfesta tilfellið hér á landi. Ekki er óhugsandi að geti hann sest hér að við hentug skilyrði með hlýnandi loftslagi.

Sandhólabobbi er kremhvítur á lit, stundum rauðgulur, ýmist einlitur eða með ljósbrúnni til brúnni slitróttri spíralrönd á vindingunum. Bobbinn er tiltölulega flatur, með lága strýtu og þunna skel umhverfis munnann.

Útbreiðslukort

Myndir

Höfundur

Erling Ólafsson 1. september 2010.