Bugðupuntur (Avenella flexuosa)

Mynd af Bugðupuntur (Avenella flexuosa)
Mynd: Hörður Kristinsson
Bugðupuntur (Avenella flexuosa)
Mynd af Bugðupuntur (Avenella flexuosa)
Mynd: Hörður Kristinsson
Bugðupuntur (Avenella flexuosa)

Útbreiðsla

Bugðupuntur er algengur um land allt. Hann nær frá láglendi upp í um 600–700 m hæð (Hörður Kristinsson - floraislands.is).

Búsvæði

Bugðupuntur á sér kjörlendi í lyngmóum, kjarrlendi og bollum (Hörður Kristinsson 1998).

Lýsing

Meðalstór grastegund (20–70 sm) með fíngerðu, rauðleitu strái og bugðóttum, gisnum punti. Blómgast í júlí.

Blað

Stofnstæð blöðin þráðmjó og fagurgræn (Hörður Kristinsson 1998).

Blóm

Punturinn rauðleitur, 10–15 sm langur. Puntgreinar rauðfjólubláar og bugðóttar. Smáöxin tvíblóma. Axagnir eintauga, himnukenndar, 5–6 mm langar. Neðri blómögnin með langri, knébeygðri týtu. Hvít hár við grunn blómagnarinnar (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Blöð bugðupunts líkjast helst blöðum túnvinguls en eru fagurgrænni og ógrópuð (Hörður Kristinsson 1998).

Útbreiðsla - Bugðupuntur (Avenella flexuosa)
Útbreiðsla: Bugðupuntur (Avenella flexuosa)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |