Bromus inermis

Mynd af Sandfax (Bromopsis  inermis)
Mynd: Hörður Kristinsson
Sandfax (Bromopsis inermis)

Útbreiðsla

Hefur verið notaður til uppgræðslu; slæðingur við tún og bæi (Hörður Kristinsson 1998). Myndar t.d. víða þéttar breiður meðfram vegum í Eyjafirði (Hörður Kristinsson - floraislands.is).

Almennt

Nytjar

Hefur verið notað hérlendis til uppgræðslu.

Búsvæði

Slæðingur við tún og bæi.

Lýsing

Stórvaxin grastegund (60–120 sm) með nokkuð stórum punti. Blómgast í ágúst.

Blað

Stráin sterkleg. Mikið af blaðmörgum, uppréttum blaðsprotum. Blöðin stór og breið, 6–12 mm á breidd (Hörður Kristinsson 1998).

Blóm

Punturinn 10–18 sm á lengd. Smáöxin fimm- til níublóma, oft 2–2,5 sm á lengd. Axagnir 5–8 mm langar, snubbóttar í endann, hvelfdar, sú neðri eintauga og styttri, sú efri þrítauga. Neðri blómögnin með þrem upphleyptum taugum, 7–10 mm löng (Hörður Kristinsson 1998).

Aldin

Aldinið er hneta þar sem fræskurn og aldinhýði er runnið saman í eitt (Lid og Lid 2005).

Greining

Auðþekkt frá öðrum íslenskum tegundum á blaðsprotunum (Hörður Kristinsson 1998).

Útbreiðsla - Bromopsis  inermis
Útbreiðsla: Bromopsis inermis

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |