Maríuvendlingur (Comastoma tenellum)

Mynd af Maríuvendlingur (Comastoma tenellum)
Mynd: Hörður Kristinsson
Maríuvendlingur (Comastoma tenellum)

Útbreiðsla

Maríuvendlingur finnst nokkuð víða inn til landsins, einkum á landinu norðaustanverðu. Hann er ófundinn í lágsveitum á Suðvesturlandi og Suðurlandi (Hörður Kristinsson - floraislands.is).

Búsvæði

Grónar grundir og vellir, einkum meðram lækjum og ám.

Lýsing

Einær, lágvaxin jurt (3–12 sm), blómstrar stökum, bláum blómum á blaðlausum stilk sem rís upp úr blaðhvirfingu. Blómgast í júní–júlí.

Blað

Einær. Stönglar oftast greindir neðst, grannir, dökkir. Blöðin gagnstæð, oddbaugótt eða egglaga, oft blámenguð, hárlaus (Hörður Kristinsson 1998).

Blóm

Krónan oftast fjórdeild, ljósbláleit eða fjólublá, um 1 sm á lengd, klofin fjórðung til þriðjung niður. Hvítleitir þræðir í blómgininu. Bikarinn ríflega helmingi styttri en krónan, klofinn nær niður í gegn, fliparnir oddbaugóttir til breiðlensulaga. Fræflar fjórir til fimm. Ein fræva (Hörður Kristinsson 1998).

Aldin

Aldinið sívalt, aflangt hýði sem klofnar í toppinn við þroskun (Hörður Kristinsson 1998).

Greining

Líkist helst dýragrasi og gullvendi. Maríuvendlingur þekkist vel frá báðum á bikarblöðunum.

Útbreiðsla - Maríuvendlingur (Comastoma tenellum)
Útbreiðsla: Maríuvendlingur (Comastoma tenellum)

Höfundur

Var efnið hjálplegt? Aftur upp

Aftur upp

Takk fyrir!

Hvað má betur fara?

  • Fela
  • |